NASA ၏ နှင်းမုန်တိုင်း ​အတွင်းသို့ စေလွှတ်လေ့ ရှိသည့် လေယာဉ်များ အကြောင်း

နှင်းမုန်တိုင်း​တွေ အကြောင်း ပိုမို လေ့လာနိုင်ဖို့ အတွက် လေယာဉ် နှစ်စင်း လိုအပ်တယ်လို့ NASA က ဆိုပါတယ်။

NASA ဟာ လေယာဥ်တွေကို ပြတင်းပေါက် မပါတဲ့ မော်ဒယ်များဖြစ်တဲ့ X-59 QueSST ကဲ့သို့ လေယာဉ်များ ကိုပင် တီ ထွင် ဖန်တီးနိုင်တဲ့ အတွက်ကြောင့် လူသိများပါတယ်။

ဒါတွေ​ကြောင့် ၎င်းတို့ရဲ့ အထင်ကြီးစရာ ကောင်းတဲ့ လေယာဉ်တွေဟာ နှင်းမုန်တိုင်းထဲသို့ ပျံသန်း နိုင်တာဟာလည်း ဖြစ်ကောင်းဖြစ်နိုင်ပါတယ်။

NASA ရဲ့ ပြောကြားချက် အရ အဆိုပါ လေယာဉ် အမျိုးအစား​တွေကို ရာသီဥတု သတင်းပို့ဖို့ အတွက် အသုံးပြု ကြသည့်အပြင်

၎င်းတို့ဟာ Maryland၊ Greenbelt ရှိ NASA ရဲ့ Goddard Space Flight Center မှာ အခြေစိုက်တဲ့ အတ္တလန္တိတ် ကမ်းရိုး တန်း-ခြိမ်းခြောက်မှုမုန်တိုင်းများ (IMPACTS) အတွက် မိုးရွာသွန်းမှုဆိုင်ရာ အာကာသ အေဂျင်စီရဲ့ တစိတ်တပိုင်းဖြစ်ပါတယ်။

snowy region

ဘာကြောင့် ဂြိုလ်တုတွေ အသုံးမပြုတာလဲ။

NASAဟာ လေယာဉ်မှူးတွေကို အန္တရာယ်ဖြစ်စေသော်လည်း ဂြိုလ်တု​တွေကို အဘယ်ကြောင့် အသုံးမပြုရသလဲဆိုတာ ကျွန်ုပ်တို့ အနေနဲ့ အံ့သြစရာတော့ ကောင်းနေပါတယ်။

NASA နှင့် ၎င်းတို့ရဲ့ လုပ်ဖော်ကိုင်ဖက်တွေဟာ အာကာသမှ မိုးရွာသွန်းမှုကို တိုင်းတာနိုင်တဲ့ ဂြိုလ်တုများစွာ ရှိတာ အမှန်ပဲ ဖြစ်ပါတယ်။

ဒါပေမယ့် ဂြိုလ်တုတွေဟာ တကယ့် နှင်းပွင့် အမှုန့်အမွှားတွေနှင့် တိမ်တွေ ကြားက ဖြစ်ပေါ် လာတဲ့ အမှုန်အမွှားတွေ အ ကြောင်း အများကြီးမပြောနိုင်ဘူးလို့ Goddard ရှိ IMPACTS ရဲ့ လက်ထောက် စုံစမ်းစစ်ဆေးရေးမှူး တစ်ဦးဖြစ်တဲ့ Gerry Heymsfield က ဆိုပါတယ်။

ကွဲပြားသော်လည်း ပြီးပြည့်စုံတဲ့ လေယာဉ်နှစ်စင်း

ဒါ့ကြောင့် IMPACT ဟာ သိပ္ပံနည်းကျ ကိရိယာများဖြင့် တပ်ဆင်ထားတဲ့ လေယာဉ် နှစ်စင်းကို အသုံးပြုခဲ့ပါတယ်။

ER-2 လေယာဉ် Image: Courtesy of NASA / Carla Thomas

ပထမတစ်စင်းကတော့ NASA Armstrong Flight Research Center ရဲ့ ER-2 ဖြစ်ပါတယ်။

အဆိုပါ လေယာဉ်ကို ဂြိုလ်တု​တွေပေါ်ရှိ ကိရိယာတွေ တပ်ဆင်ထားကာ ပိုမိုမြင့်မားတဲ့ spatial resolution၊ ထပ်လောင်းတိုင်းတာမှုစွမ်းရည်နှင့် မကြာခဏနမူနာယူခြင်းတို့လုပ်ဆောင်လို့ရအောင် ပြင်ဆင်ထားပါတယ်။

၎င်းကို တိမ်တိုက်တွေ အပေါ်ကနေဖြစ်ဖြစ်၊ မုန်တိုင်းတွေရဲ့ အပေါ်ကနေဖြစ်ဖြစ် အောက်ကို ရှုမြင်နိုင်ဖို့ ရည်ရွယ်တယ်ဟု သိရပါတယ်။

ဒုတိယလေယာဉ်ကတော့ P-3 Orion ဖြစ်ပြီး ၎င်းဟာ တိမ်​တွေတစ်လျှောက် နှင်းမှုန်​တွေရဲ့ အရွယ်အစားနှင့် ပုံသဏ္ဍာန်အပြင် အပူချိန်၊ ရေခိုးရေငွေ့နှင့် ၎င်းတို့ဖြစ်ပေါ်လာရတဲ့ အခြား အခြေအနေများကို တိုင်းတာပါတယ်။

P-3 Orion Image: Courtesy of Center for Remote Sensing of Ice Sheets (CReSIS)

“IMPACTS ကဲ့သို့သော ပရောဂျက်တစ်ခုဟာ ရုပ်ထွက်ပိုမြင့်၊ ပိုမိုတိကျမှုတွေ အမှန်တကယ် တိုင်းတာ ပေးနိုင်တာ​တွေကြောင့် များစွာအထောက် အကူပြုတယ် ” ဟု IMPACTS လက်ထောက် စုံစမ်းစစ်ဆေးရေးမှူးတစ်ဦးဖြစ်တဲ့ John Yorks က ပြောကြားခဲ့ပါတယ်။

NASA ဟာ ၎င်းတို့ရဲ့ သဘာဝ ပတ်ဝန်းကျင်ဆိုင်ရာ လေယာဉ်တွေမှာ များစွာ ရင်းနှီးမြုပ်နှံ ထားပြီး ရလဒ်တွေ ကလည်း ကောင်းမွန်တိကျတယ်ဟု ဆိုပါတယ်။

နှင်းမုန်တိုင်းတွေဟာ ရှုပ်ထွေးတဲ့ ရာသီဥတု ဖြစ်စဉ်တွေ ဖြစ်တဲ့ အတွက်ကြောင့် ၎င်းတို့ကို အမှန်တကယ် နားလည်ဖို့ နှင့် ကြိုတင်ခန့်မှန်းမှုတွေပြုလုပ်ကာ

မကြာခဏဖြစ်ပွားလေ့ရှိတဲ့ ပျက်စီးဆုံးရှုံးမှုနှင့် အန္တရာယ်​တွေ အတွက် အစီအစဉ် ဆွဲဖို့ နက်ရှိုင်းတဲ့ သုတေသနနှင့် သိပ္ပံ နည်းကျ ကိရိယာများစွာ လိုအပ်တာတော့ အသေအချာပဲ ဖြစ်ပါတယ်။

Kaung Htet (Knowledgeworms team)

Knowledgeworms Copyright © 2021 ကူးယူ ဖော်ပြခြင်း လုံးဝ ခွင့်မပြုပါ။

First Published 2/2/2022