အိမ်မွေးကြောင်ကလေးတွေ အအိပ်သန်ရတဲ့ အကြောင်း

Knowledge Science

မင်းရဲ့အိမ်မွေးကြောင် ကို ကြည့်လိုက်မယ်ဆိုရင် သူတို့က တ​ရေးတ​မောအိပ်ရင်း နိုးလာတဲ့ပုံစံ​လေး​တွေနဲ့ပြုမူတတ်တာကို အမြဲတမ်းနီးပါး​တွေ့ရမှာဖြစ်ပါတယ်။

အမှန်တကယ်လည်း အိမ်​မွေး​ကြောင်​တွေဟာ အအိပ်သန်တဲ့ သတ္တဝါ​လေး​တွေပါ။ပျမ်းမျှအားဖြင့် အိမ်​မွေး​ကြောင်များဟာ တ​နေ့တာကို ၁၆နာရီ မှ ၂၀ နာရီအထိ အိပ်စက်ခြင်းဖြင့် ကုန်ဆုံးကြပါတယ်။

ဘာ​ကြောင့်အိပ်တာလည်းဆိုရင် သူတို့က မင်းနဲ့အတူ ​ဆော့ဖို့၊ အချိန်ဖြုန်းဖို့ ပျင်းရိလို့ ငြီး​ငွေ့​နေလို့တော့ မဟုတ်ပါဘူး။ သူတို့ရဲ့ ဗီဇကိုက ​နေ့ခင်းမှာ အိပ်တတ်တဲ့ဗီဇ ပါလာလို့ပဲ ဖြစ်ပါတယ်။

မင်းအိမ်မှာရှိတဲ့ မင်းရဲ့ အိမ်​မွေးကြောင်ဟာ အမြဲ အိပ်​နေမယ်၊ တက်ကြွမှု အနည်းဆုံး ဖြစ်​နေမယ် ဆိုရင်တောင် သူတို့မှာ သားရဲတိရစ္ဆာန်တွေရဲ့ ပင်ကိုယ်ဗီဇတွေရှိနေပါ​သေးတယ်။

PetMD ရဲ့ အဆိုအရ အိမ်မွေးကြောင်များဟာလည်း ​တောကြောင်ကြီးများနဲ့ ပင်ကိုယ်ဗီဇ တူကြပါတယ်။ သူတို့ဟာ ပင်ပင်ပန်းပန်း ပြေးလွှားပြီး အမဲလိုက်တတ်ဖို့အတွက် ကြိုတင်ပြင်ဆင်ခြင်း၊ ​လေ့ကျင့်ခြင်းအတွက် သူတို့ရဲ့အချိန်အများစုကို အသုံးပြုကြပါတယ်။

အိမ်မှာ​တော့ အစာ​ကျွေး​နေတဲ့အတွက် မင်းရဲ့ ​ကြောင်​လေး​တွေဟာ အစာရှာဖို့ အမဲလိုက်ဖို့ တကယ် လုပ်ချင်မှလုပ်ရပါလိမ့်မယ်။ အိမ်မွေးတိရစ္ဆာန်​တွေအတွက်​တော့ “ အမဲလိုက်ခြင်း”ဆိုတာ မင်းပုခုံးပေါ်တင်တာ ဒါမှမဟုတ် တ​ရေးအိပ်ရာက​​နေ နိုးလာပြီး အရုပ်‌တွေနဲ့နပန်းလုံးတာတို့ ဖြစ်နိုင်ပါတယ်။

သူတို့၏ အိပ်တဲ့အချိန်ဇယားများကြောင့် လူသား​တွေ ​အ​နေနဲ့ကြည့်မယ်ဆိုရင် အိမ်​မွေး​ကြောင်​တွေဟာ ပျင်းရိတယ်လို့ ထင်ရပါတယ်။ ​ကြောင်များဟာ ဆည်းဆာ​ပျော် သတ္တဝါ ဖြစ်တဲ့အတွက် Oakland Veterinary Referral Services က​တော့ကြောင်များ​ဟာ အရုဏ်ဦး နှင့်ဆည်းဆာ ၀န်းကျင်တွင် တက်ကြွနေသည်ဟု သတ်မှတ်ပါတယ်။ ​

တောရိုင်းထဲမှာဆိုရင်​တော့ သား​ကောင်းကြီး​တွေဟာ နေ့နှင့်ညအချိန်မှာ အမဲလိုက်ကြပါတယ်။ ဒါ​ကြောင့် ​​တောကြောင်တွေအ​နေနဲ့ ​တောရိုင်းထဲမှာ ကျက်စားကြတဲ့အခါ ဆည်းဆာချိန်များဟာဆိုရင် သားကောင်ကြီးများရဲ့ အန္တရာယ်က​​နေ ကာကွယ်ပေးနိုင်ပါသည်။ ဒါ​ကြောင့် ​တော​ကြောင်ကြီးများနဲ့ ဗီဇတူ အိမ်​မွေး​ကြောင်​တွေဟာဆိုရင် အိမ်သားတွေ အလုပ်လုပ်​နေကြတဲ့အချိန် နေ့ခင်းဘက်မှာအိပ်ပျော်နေတတ်ကြပါတယ်။

ကြောင်များဟာ အိပ်ချိန်များသော်လည်း သူတို့ဟာ နှစ်နှစ်ချိုက်ချိုက် အိပ်ပျော်မနေပါဘူး။ အိပ်ပျော်နေသော သားရဲတိရစ္ဆာန်ဟာ လွှားခနဲခုန်အုပ်ဖို့ အဆင်သင့်ဖြစ်နေတတ်တာ ​မွေးရာပါဗီဇပါပဲ။ ဒါ့​ကြောင့် ကြောင်​တွေဟာ အိပ်သောအခါ ၎င်းတို့အ​နေနဲ့ တုန့်ပြန်မှုကို ချက်ချင်းမြန်မြန်ဆန်ဆန်ပြုလုပ်နိုင်တဲ့ အ​နေအထားနဲ့ အိပ်တတ်ကြပါတယ်။

သူတို့ ခဏတာ အိပ်စက်ချိန်ဟာ မိနစ် ၁၅ မှ ၃၀ အထိ ကြာ​ပေမယ့် အမှန်တကယ်အိပ်မောကျချိန်က​တော့ ၅ မိနစ်သာကြာပါတယ်။

ဒါကြောင့်မင်းရဲ့ကြောင်လေးတွေအိပ်နေမယ်ဆိုရင်လည်း ကြောင်ပျင်းလေးတွေဆိုပြီး အမုန်းမပွားလိုက်ပါနဲ့ နှစ်ဆပိုချစ်​ပေးပါ​နော်။🥰🥰🥰

Content Protection by DMCA.com

Leave a Reply

Your email address will not be published.