အခန်းထဲကို ဝင်လာပြီးမှ ဝင်လာရတဲ့ အကြောင်းကို စဉ်းစားမရခြင်းအား လေ့လာမှု

Knowledge Science

တခါတလေမှာ အခန်းထဲကို ဘာလုပ်ဖို့လာတာပါလိမ့် ဆိုပြီး စဥ်းစားမရ ဖြစ်​နေတတ်ပါတယ်။

သိမြင်မှုဆိုင်ရာ အာရုံကြောသိပ္ပံ ပညာရှင်ဒေါက်တာ Christian Jarrett က ကျွန်ုပ်တို့၏ မှတ်ဥာဏ်များဟာ ‘တံခါး‌ပေါက် သက်ရောက်မှု (doorway effect) ကို ခုခံနိုင်မှုနည်းခြင်းနဲ့ပတ်သက်ပြီး ရှင်းပြထားပါတယ်။

တံခါးပေါက် သက်ရောက်မှု ” doorway effect ” ဆိုတာကတော့ ကျွန်ုပ်တို့ဟာ အခန်းတစ်ခုထဲကို ဝင်ရောက်လာပြီးနောက် ငါဘာ့ကြောင့် ဒီထဲကို ဝင်လာရတာလဲ ဆိုတာကို ရုတ်တရက် သတိမရတာပါ။

ဒီလိုအမြဲတမ်းဖြစ်တာက ကျွန်ုပ်တို့အတွက် တော်တော် စိတ်ပျက်ဖို့ ကောင်းပါတယ်။

၂၀၀၆ ခုနှစ်မှစ၍ Indiana ရှိ Notre Dame တက္ကသိုလ်မှ ပညာရှင်များက “တံခါး‌ပေါက် သက်ရောက်မှု” ဘယ်လိုဖြစ်လာသလဲဆိုတာ စုံစမ်း​‌ လေ့လာခဲ့ပါတယ်။ လေ့လာမှုတစ်ခုတွင် သူတို့သည် virtual reality setup ကိုသုံးခဲ့ပြီး ဒီအကြောင်းကို ပြသရန်ဖြစ်ပါတယ်။

အဲဒါကတော့ ​လေ့လာမှုမှာ စမ်းသပ်ခံအဖြစ်ပါဝင်ခဲ့တဲ့ သူ​တွေရဲ့ (အခန်းတခန်းခန်းထဲက ဘာပစ္စည်း​တွေရှိလဲဆိုတဲ့) မှတ်ဥာဏ် ဟာ တံခါး ပေါက်ကိုဖြတ်၍ အခြားအခန်းတစ်ခုသို့ ၀င်လာစဉ်မှာပဲ ယင်းမှတ်ဥာဏ်ဟာ ​ပျောက်ကွယ်သွားတဲ့အကြောင်းဖြစ်ပါတယ်။ ( ​သေချာဂရုစိုက်မမှတ်ခဲ့​တော့ ပြန်​မေးရင်မရ​တော့ဘူး​ပေါ့ဗျာ)

သုတေသီများရဲ့ ရှင်းလင်းချက်ကို အပိုင်းသုံးပိုင်းဖြင့် ရှင်းလင်းတင်ပြခဲ့ပါတယ်။


(၁) ကျွန်ုပ်တို့ရဲ့ မှတ်ဥာဏ်​တွေကို ဖြစ်စဥ် ဖြစ်ရပ်​တခုချင်း ဆီ အ​နေနဲ့ ဇာတ်လမ်းတွဲ​တွေလိုပဲ အပိုင်း​လေး​တွေ (episode) အဖြစ် ခွဲထားပါတယ်။


(၂) ပြီးသွားခဲ့တဲ့ အ​စောပိုင်းဖြစ်ရပ်​တွေကို မှတ်မိဖို့ ပြန်စဥ်းစားတဲ့အခါ ပိုမိုခက်ခဲတာကို ​တွေရပါလိမ့်မယ်။


(၃) ဒါ​ကြောင်းနှိုင်းယှဥ်စဥ်းစားကြည့်မယ်ဆိုရင် ကျွန်ုပ်တို့ အခန်းတံခါး​ပေါက်ကို ဖြတ်သွားတယ်ဆိုတာလဲ ဖြစ်စဥ် အသစ်တခု ဖြစ်ရပ်အသစ်တခုကို ​ရောက်သွားတာ နဲ့ တူတူပါပဲ။

ဤရလဒ်များက ဘာကို ​ဖော်ပြ​နေလဲဆိုရင် ကျွန်ုပ်တို့၏ ဦးနှောက်အပေါ် တံခါး‌ပေါက်‌သက်ရောက်မှုများနှင့် ပတ်သက်ပြီး မှော်ဆန်ဆန် ထူးခြားတဲ့ အရာတစ်ခုရှိ​နေတယ် ဆိုတာပါပဲ။

သို့သော် Queensland တက္ကသိုလ်မှ အဖွဲ့တစ်ဖွဲ့က ယင်းနဲ့ အနည်းငယ်ကွဲပြားတဲ့ ​တွေ့ရှိမှုတခုကို ​ဖော်ပြခဲ့ပါတယ်။ တူညီပြီးဆက်စပ်​နေတဲ့ ဖြစ်ရပ်​တွေ တခုက​နေတခု ​ပြောင်းလဲလုပ်​ဆောင်တဲ့အခါ မှာ​တော့အများအားဖြင့်မှတ်ဥာဏ်ကိုမထိခိုက်စေနိုင်ပါဘူး။

ဘာလို့လဲဆို​တော့ ဖြစ်ရပ်​တွေဟာ တခုနဲ့တခုဆက်စပ်​နေတဲ့အတွက် ယင်းတို့ကြားမှာ သိသာထင်ရှားတဲ့ ​အ​နေအထား​ပြောင်းလဲမှု မရှိပါဘူး။

ဒါ​ပေမယ့် ​မေ့သွားတဲ့အခါ​တော့ ရှိပါတယ်။ သုတေသီတွေက သူတို့​လေ့လာမှုမှာ ပါဝင်တဲ့ သူ​တွေကို ပုံစံတူ အခန်း​တွေကို ဖြတ်​နေစဥ်မှာပဲ တစ်ပြိုင်နက်တည်းဆင့်ပွားအလုပ်တစ်ခုနဲ့အာရုံလွဲစေတဲ့အခါမှာ​တော့ မှတ်ဥာဏ်ကိုထိခိုက်​စေပါတယ်။

Queensland အဖွဲ့​ပြောကြားခဲ့တာက​တော့ “ယင်းဖြစ်စဥ်မျိုးကို ကျွန်​တော်တို့ ​နေ့စဥ် ဘဝမှာကြုံ​တွေ့ရပါတယ်။ ကျွန်ုပ်တို့ အ​တွေးကို တခုခုက ​နှောက်ယှက်လိုက်တဲ့အခါ အာရုံပျံ့လွင့်​နေတဲ့အခါ အခန်းထဲကိုဘာ​ကြောင့်လာတာပါလိမ့် ဘာလုပ်ဖို့ လာတာပါလိမ့်ဆိုပြီး ​မေ့သွားတတ်ကြပါတယ်။

ဒါဟာ အ​နေအထား ​​ပြောင်းလဲသွားလို့ပဲ ဖြစ်ပါတယ်။ ဥပမာအားဖြင့် ထိုင်ရာက ထလိုက်တာပဲဖြစ်ဖြစ် တ​နေရာက​နေ တ​နေရာကို သွားလိုက်တာပဲဖြစ်ဖြစ် ဖြစ်ရပ်တခု​ပြောင်းသွားတဲ့အတွက် ကျွန်ုပ်တို့ဟာ မထခင် မသွားခင်က စဥ်းစားလိုက်တဲ့ အရာ​တွေကို ​မေ့သွားတာ​ပေါ့။

ပြန်စဥ်းစားလို့ မရတာ​ပေါ့။ ဒါမှမဟုတ် အကြာကြီးပြန်စဥ်းစားမှ သတိရတာမျိုးလည်း ရှိတာ​ပေါ့။ စာကျက်ရင်လည်း လက်​ရေးတမျိုးက​နေ ​နောက်လက်​ရေးတမျိုးနဲ့ ​​ပြောင်း​ရေးထားတဲ့ စာဆိုရင် ကျက်ရတာ ပိုခက်တယ်ဗျ။

Queensland တက္ကသိုလ်ရဲ့ ​တွေ့ရှိမှု ရလာဒ်သစ်များဟာ ထိ​ရောက်အား​ကောင်း​သောကုထုံးကိုညွှန်းဆိုပြသ​နေပါတယ်။

သင်အလုပ်တစ်ခုခုလုပ်ဖို့ ထလိုက်တဲ့အခါ (သို့) တခုခု သွားယူမယ်ဆိုပြီး အ​နေအထားတခုခု ​ပြောင်းလိုက်တဲ့အခါ သင်၏ရည်ရွယ်ချက်ပေါ်တွင်အာရုံစိုက်ရန်ကြိုးစားပါ။ ​ဒါမှ မရဘူး မေ့တတ်​သေးတယ် ဆိုရင်​တော့ လက်ဝါး​လေး​ပေါ် ​ရေးမှတ်ထားဖို့ လိုမယ်​နော်။

Knowledgeworms Copyright © 2021 ကူးယူ ဖော်ပြခွင့် လုံးဝ ခွင့်မပြုပါ။

Content Protection by DMCA.com

Leave a Reply

Your email address will not be published.