အဋ္ဌာနမေတံ ဘိက္ခဝေ အနဝကာသော၊ ယံ ပရူပက္ကမေန တထာဂတံ၊ ဇီဝိတာ ဝေါရောပေယျ ။
အနုပက္ကမေန ဘိက္ခဝေ၊ တထာဂတံ ပရိနိဗ္ဗာယန္တိ ။ ဧတေန သစ္စဝဇ္ဇေန ၊ သောတ္ထိ မေ ဟောတု သဗ္ဗဒါ ။
“ဂါထာတော် အနက်”
ဘိက္ခဝေ – ချစ်သား ရဟန်းတို့ …..
အကြင်အကြောင်းကြောင့် ပရူပက္ကမေန – သူတစ်ပါးတို့၏ လုံ့လ ပယောဂဖြင့် တထာဂတံ – သင်တို့ ဆရာငါဘုရားကို ဇီဝိတာ – ရုပ်နာမ် နှစ်ထွေ မြွက်ဖော် အသက်တော်မှ ဝေါရောပေယျ – ခွင်းခါ ပျက်ခြွေ ၊ ချသတ်လေရာ၏ ဧတံ – ဤသို့ ရုပ်နာမ် ပျက်ခွင်း ၊ ချသတ်နိုင်ခြင်းသည် အဋ္ဌာနံ – အကြောင်းခြင်းရာ မဟုတ်သည်သာတည်းးး
ဧတံ – ဧသာ – ဤသို့ ရုပ်နာမ် ပျက်ခွင်း ၊ ချသတ်နိုင်ခြင်းသည်။ အနဝကာသော – အခွင့်အခါ မဟုတ်သည်သာတည်းးး
ဘိက္ခဝေ – ငါဘုရားကို စောင့်ရှောက်နေငြား
အို- ချစ်သားတို့ ….. တထာဂတာ – ရှေးရှေးအတူ ကြွလာတော် မူကြကုန်သော မြတ်စွာဘုရားတို့သည် အနုပက္ကမေန – သူတစ်ပါးတို့ လက်နက် လုံ့လ ပယောဂတို့ လုံးဝ မရှိဘဲနှင့်သာလျှင် ပရိနိဗ္ဗာယန္တိ – နိဗ္ဗာန် စံကိန်း ငြိမ်းတော်မူကြပေကုန်၏
ဧတေန သစ္စဝဇ္ဇေန – ဤသို့ ထုတ်ပြန် ဟုတ်မှန်သော စကားကို မြွက်ကြားရပေသောကြောင့် မေ – ချမ်းသာလိုလား ဘုရားတပည့်တော်အား သဗ္ဗဒါ – နေ့ရောညဉ့်ပါ အခါခပ်သိမ်း သောတ္ထိ – လက်နက် ပယောဂ ကင်းစင်ပ၍ ဘေးရန်ကင်းကွာ ချမ်းသာခြင်း သုခ အဝဝနှင့် ပြည့်စုံခြင်းသည် ဟောတု – မုချမသွေဖြစ်ပါစေသတည်းးး
” အဋ္ဌာနမေတံ ပါဠိတော်မူ “
( မေး ) အဋ္ဌာနမေတံ ဘိက္ခဝေ-ပါဠိမှာ ဘုရားနှုတ်တော်ထွက် အစစ် ဖြစ်ပါ သလားဘုရား၊ အနုပက္ကမေန ဘိက္ခေ၀ တထာဂတံ ပရိနိဗ္ဗာယန္တိ-ပုဒ်ပါ ဘုရားဟောတော်မူခဲ့ပါသလားဘုရား။
( ဖြေ ) ၎င်းပါဠိ အစအဆုံးမှာ “အဋ္ဌာနမေတံ ဘိက္ခေ၀ အနဝကာသော ယံ ပရူပက္ကမေန တထာဂတံ ဇီဝိတာ ဝေါရောပေယျ၊ အနုပက္ကမေန ဘိက္ခေ၀ တထာဂတံ ပရိနိဗ္ဗာယန္တိ”-ဟူ၍ပင်ဖြစ်ပါသည်။
မူရင်းမှာ …..
ဝိနည်း စူဠဝါ ပါဠိတော် (နှာ-၃၅၅) လောဟိတုပ္ပါဒက အခန်းတွင်၎င်း၊ ယင်း (နှာ-၃၅၇) နာဠာဂီရိ ပေသန-အခန်းတွင်၎င်း ပါရှိပါသည်။
အနက်မြန်မာပြန်မှာ-
ဘိက္ခဝေ-ရဟန်းတို့၊ ပရူပက္ကမေန-သူတပါးတို့၏ လုံ့လပယောဂဖြင့်၊ တထာဂတံ-မြတ်စွာဘုရားကို၊ ယံ-အကြင်အကြောင်းကြောင့်၊ ဇီဝိတာ-ဇီဝိတိန္ဒြေမှ၊ ဝေါရောပေယျ-ချရာ၏၊
ဧတံ-ဤသို့ ချနိုင်ခြင်းသည်၊ အဋ္ဌာနံ-အကြောင်းမဟုတ်၊ အနဝကာသော-အခွင့်မဟုတ်၊ (ထုံးစံမရှိ)
ဘိက္ခဝေ-ရဟန်းတို့၊ တထာဂတာ-မြတ်စွာဘုရားတို့သည်၊ အနုပက္ကမေန-သူတပါးတို့၏ လုံ့လပယောဂ ကင်းသဖြင့်၊ ဝါ-အလိုလိုသာ၊ ပရိနိဗ္ဗာယန္တိ-ပရိနိဗ္ဗာန် ဝင်စံတော်မူကြကုန်၏ ဟူ၍ ဖြစ်ပါသည်
အနုပက္ကမေန ဘိက္ခဝေ-စသော နောက်ပိုဒ်ပါမှသာ ဘုရားဟောတော် မူရင်း ပြည့်စုံပါသည်။
ဘုရားရှင်၏ ထူးခြားသော ပရိနိဗ္ဗန္တ ဂုဏ်တော်ကို အာရုံပြု၍ ရွတ်ဆိုခြင်းဖြင့် ကိုယ်စိတ်နှစ်ဖြာ ကျန်းမာ ချမ်းသာစေနိုင်ပါသည်။
