အဖြေက ကျွန်ုပ်တို့ထင်သလောက် မရိုးရှင်းပါဘူး။
ကျွန်ုပ်တို့အားလုံး အသက်ရှင်သန်ဖို့အတွက် အရည်လိုအပ်ကြောင်း အများစု သိရှိနားလည် ထားသော်လည်း လိုအပ်တဲ့ ပမာဏ အတိအကျကတော့ အံ့သြစရာ ကောင်းလောက်အောင် ရှုပ်ထွေးပါတယ်။
အကောင်းဆုံးကျန်းမာရေးအတွက် ကျွန်ုပ်တို့အားလုံးဟာ နေ့စဉ်ရေ ရှစ်ခွက်သောက်ဖို့ လိုအပ်တယ်ဟူသော အယူအဆတစ်ခုရှိပါတယ်။
ရေဓာတ်ရှိနေခြင်းက ကျွန်ုပ်တို့ခန္ဓာကိုယ်ကို အကောင်းဆုံး လုပ်ဆောင် နိုင်စေဖို့အတွက် အထောက်အကူ ဖြစ်စေမှာ အမှန်ဖြစ်ပေမယ့် တစ်နေ့ကို ရေ ရှစ်ခွက် သောက်ဖို့ လိုအပ်ကြောင်း သက်သေပြဖို့ကတော့ သက်သေမပြနိုင်ကြသေးပါဘူး။
တကယ်တော့ လူတစ်ဦးချင်းစီရဲ့ ရေလိုအပ်ချက်ဟာ ကွဲပြားကြပြီး ကျွန်ုပ်တို့အနေနဲ့ လေ့ကျင့်ခန်း ဘယ်လောက်လုပ်တယ်၊ ရောက်နေတဲ့နေရာရဲ့ ရာသီဥတုအခြေအနေ၊ ဘာတွေစားသုံးသလဲဆိုတာနဲ့ တခြားကျန်းမာရေး အခြေအနေတွေ အပါအဝင် အချက်ပေါင်းများစွာ အပေါ် မူတည်ပါတယ်။
ဒီအချက်တွေ အားလုံးကို ထည့်သွင်း စဉ်းစားရင်တော့ တစ်နေ့ကို ရှစ်ခွက်လောက် သောက်တာက လူအများစု အတွက် အလုပ်မဖြစ်ပါဘူး။
ကျွန်ုပ်တို့ရဲ့ခန္ဓာကိုယ်ဟာ ရေဓာတ်လိုအပ်လာလျှင် ရေဆာလောင်ခြင်းကို လွယ်ကူစွာ ဖော်ပြလေ့ရှိပါတယ်။
ရေရဲ့ အကူအညီဖြင့် ဆုံးရှုံးသွားတဲ့ အရည်တွေကို လျင်မြန်စွာ ဖြည့်ဆည်း ပေးနိုင်ပါတယ်။
လူ့ခန္ဓာကိုယ်မှာ ရေဓာတ် ပိုမို လိုအပ်တဲ့အခါ ဆုံးဖြတ်ဖို့ ချိန်ညှိထားသော စနစ်တစ်ခုလည်း ရှိပါတယ်။
ကျွန်ုပ်တို့လိုအပ်တဲ့ရေပမာဏဟာ ကျွန်ုပ်တို့ခန္ဓာကိုယ်အရွယ်အစားပေါ်မူတည်ပါတယ်။
၂၀၁၈ ခုနှစ် ဆန်းစစ်ချက်တစ်ခုအရ မွေးကင်းစကလေးတွေဟာ ဆယ်ကျော်သက်တွေနှင့် လူကြီးတွေထက် ရေဓာတ်လျော့နည်း လိုအပ်တာကို တွေ့ရပါတယ်။
နောက်တစ်ချက်က နို့တိုက်နေသူတွေဟာ အခြားအုပ်စုတွေထက် အခြေခံအားဖြင့် ရေဓာတ်အများဆုံး လိုအပ်ပါတယ်။
ကျွန်ုပ်တို့ရဲ့ လုပ်ဆောင်ချက် အဆင့်ကလည်း ကြီးမားတဲ့ အခန်းကဏ္ဍမှ ပါဝင်ပါတယ်။
လေ့ကျင့်ခန်း အများကြီး လုပ်ရင် ချွေးပို ထွက်နိုင်ခြေ များတာကြောင့် ဆုံးရှုံးသွားတဲ့ ရေပမာဏကို ပြန်လည် ဖြည့်တင်းဖို့အတွက် ရေဓာတ်ပိုလိုအပ်လာပါတယ်။
အထူးသဖြင့် ပူပြင်းတဲ့ ပတ်ဝန်းကျင်မှာ လေ့ကျင့်ခန်းလုပ်ပါက ကျွန်ုပ်တို့ အနေနဲ့ ရေဓာတ်ကို ပိုမိုဖြည့်တင်းပေးဖို့ လိုအပ်ပါတယ်။
ဒါ့အပြင် ရေဟာ တစ်ခုတည်းသော ရေဓာတ် အရင်းအမြစ် မဟုတ်ပါဘူး။
၂၀၀၅ ခုနှစ်တုန်းက ဆေးတက္ကသိုလ်မှ ကိုးကားထားတဲ့ အစီရင်ခံစာအရ၊ ကျွန်ုပ်တို့စားသုံးတဲ့ အစားအစာတွေကနေလည်း ကျွန်ုပ်တို့ရဲ့ ရေဓါတ် ၂၀ ရာခိုင်နှုန်းခန့်ကို ရရှိပါတယ်ဟု သိရပါတယ်။
ဖရဲသီးကဲ့သို့ အချို့သောအစားအစာတွေဟာ ရေသီးသန့်နီးပါးဖြစ်ပါတယ်။
ဆီးသွားဖို့ လက်ဖက်ရည် သို့မဟုတ် ကော်ဖီကဲ့သို့သော ကဖိန်းဓာတ်ပါသော အဖျော်ယမကာများကို သောက်သုံးခြင်းဟာ ဆီးသွားခြင်းကို ဖြစ်စေနိုင်သော်လည်း ၎င်းအကျိုးသက်ရောက်မှုဟာ ယာယီဖြစ်ပြီး ကျွန်ုပ်တို့ ခန္ဓာကိုယ် တစ်ခုလုံးရဲ့ ရေဓာတ်မျှတမှုအပေါ် သိသိသာသာ သက်ရောက်မှုရှိမှာ မဟုတ်ပါဘူး။
ဘာပဲပြောပြော ကျွန်ုပ်တို့ နေ့စဉ် သောက်သုံးတဲ့ ကော်ဖီတွေ အားလုံးဟာ နေ့စဉ် ရေဓာတ် လိုအပ်မှုကို အမှန် တကယ် အထောက်အကူ ဖြစ်စေတာတော့ တွေ့ရပါတယ်။
ရေကို ပိုသောက်နိုင်တယ်ဆိုတာ မှန်ပေမယ့် လုပ်ဖို့က မယုံနိုင်လောက်အောင် ခက်ခဲပါတယ်။
Hyponatremia ဆိုတာက ကျွန်ုပ်တို့ခန္ဓာကိုယ်မှ ရေအလွန်အကျွံရရှိပြီး သွေးထဲမှာ ရေပမာဏ အလွန်များလာတဲ့အခါမှာ ကျွန်ုပ်တို့ခန္ဓာကိုယ်ဟာ ဆိုဒီယမ်ကို ဟန်ချက်မညီအောင် စွန့်ထုတ်သွားတဲ့အခါ ဖြစ်ပွားပါတယ်။
ဒီလို အခြေအနေမျိုး မှာဆိုရင် ခေါင်းကိုက်ခြင်း၊ စိတ်ရှုပ်ထွေးခြင်း၊ ပျို့အန်ခြင်းနှင့် ကြွက်သား အားနည်းခြင်း စသည့် လက္ခဏာများ အပါအဝင် အခြေအနေအမျိုးမျိုးကို ဖြစ်ပွားတက်သော်လည်း ဖြစ်တာရှားပါတယ်။
နောက်ဆုံး အနေနဲ့ ဘာပဲပြောပြော ကျွန်ုပ်တို့ ရေဆာတဲ့ အခါမှာ ဖြစ်ဖြစ် ၊ လေ့ကျင့်ခန်း ပြင်းပြင်း ထန်ထန် လုပ်ဆောင်တဲ့ အခါမှာ ဖြစ်ဖြစ် ရေဓာတ်ကို အချိန်မီ ဖြည့်တင်းပေးဖို့ လိုအပ်တာတော့ အသေအချာပဲ ဖြစ်ပါတယ်။
Kaung Htet (Knowledgeworms team)
Knowledgeworms Copyright © 2021 ကူးယူ ဖော်ပြခွင့် လုံးဝ ခွင့်မပြုပါ။
