အာကာသသို့သွားခြင်းဖြင့် သင့်ကို အာကာသယာဉ်မှူးဆိုတဲ့ ခေါင်းစဉ်ကိုသေချာပေါက်မရ စေပါဘူး။ အနည်းဆုံး အမေရိကန်မှာပေါ့။
ဖက်ဒရယ်လေကြောင်းစီမံခန့်ခွဲမှုဌာန (FAA) ရဲ့ စည်းမျဉ်းသစ်များအရ အာကာသယာဉ်မှူးမျှော်လင့်ချက်ဟာ လေယာဉ်အမှုထမ်းရဲ့ အစိတ်အပိုင်းတစ်ခုဖြစ်ရပါမယ် နောက်ပြီး အာကာသယာဉ်ရဲ့ လုံခြုံရေးအတွက်အထောက်အကူပြုရမည် ဖြစ်ပါတယ်။
ဆိုလိုတာကတော့ Jeff Bezos နှင့် Sir Richard Branson တို့ဟာ အမေရိကန်အစိုးရရဲ့ ရှုထောင့်မှ ကြည့်လျှင် အာကာသယာဉ်မှူးများ မဖြစ်နိုင်သေးပါဘူး။
စီးပွားဖြစ် အာကာသယာဉ်မှူးအတောင်ပံ ပေးအပ်ခြင်း အစီအစဉ်များကို အင်္ဂါနေ့တွင် ကြေငြာခဲ့တာပါ။အဲဒီနေ့မှာပဲ မစ္စတာဘီဇို့စ်ဟာ သူရဲ့ကုမ္ပဏီ Blue Origin ဖြင့် အာကာသထဲသို့ ပထမဆုံးအကြိမ်ပျံသန်းပြီးနောက်အာကာသနှင့်ကမ္ဘာမြေတွင် အချမ်းသာဆုံးလူ ဖြစ်လာခဲ့ပါတယ်။
စီးပွားဖြစ်အာကာသယာဉ်မှူးများအဖြစ် အရည်အချင်းပြည့်မီရန် အတွက်ကမ္ဘာမြေမျက်နှာပြင် အထက်မိုင် ၅၀ ခရီးသွားရမှာ ဖြစ်ပါတယ်။မစ္စတာ ဘီဇို့စ်နှင့်မစ္စတာ ဘရန်ဆန်တို့ နှစ်ဦးစလုံးကတော့ ဒါကို အောင်မြင်ခဲ့ပါတယ်။
သို့သော် အမြင့်အပြင် အာကာသယာဉ်မှူးများဟာ ပျံသန်းနေစဉ်အတွင်း ပြည်သူများ ဘေးကင်းရေးအတွက် သရုပ်ပြလုပ်ဆောင်မှုတွေ လုပ်ဆောင်ရပါမယ် သို့မဟုတ် လူများ အာကာသယာဉ်ပျံသန်းနေစဉ်အတွင်း ဘေးကင်းရေးအတွက် အထောက်အကူပြုသည့် လုပ်ဆောင်မှုများကို ပြသသင့်ကြောင်း အေဂျင်စီကပြောကြားခဲ့တာပါ။
FAA ၏ ဒီပြောင်းလဲထုတ်ပြန်ချက်ဟာ ပြည်သူ့လုံခြုံရေးကို ပိုမိုကာကွယ်ရန် ဖြစ်ပါတယ်။
ပျံသန်းမှုအပြီး ဘီဇို့စ်နှင့်ဆာရစ်ချတ်တို့၏ အတောင်ပံများဟာ သူတို့၏ ကိုယ်ပိုင်ကုမ္ပဏီများက ပြုလုပ်ထားသော တံဆိပ်များဖြစ်ပါတယ်။
သို့သော် ဆာရစ်ချတ်၊ မစ္စတာဘီဇို့စ်နှင့် အနာဂတ်ကြယ်ပွင့်များဟာ အာကာသယာဉ်မှူးများအဖြစ် အသိအမှတ်ပြုခံရမည့် မျှော်လင့်ချက်ရောင်ခြည်အနည်းငယ် ကျန်ရှိနေဆဲဖြစ်ပါတယ်။
ထုတ်ပြန်ချက်အသစ်မှာတော့ FAA ၏ တွဲဖက်အုပ်ချုပ်ရေးမှူးရဲ့ ဆုံးဖြတ်ချက်ဖြင့် ဂုဏ်ထူးဆောင်ဆုတံဆိပ်များကို ထိုက်တန်သူပေါ် အခြေခံ၍ ပေးနိုင်ကြောင်းဖော်ပြထားပါတယ်။
၁၉၆၀ ပြည့်နှစ်များ အစောပိုင်းတွင် မာကျူရီခုနစ်အစီအစဉ်တွင်ပါ၀င်သည့်အာကာသယာဉ်မှူးများဖြစ်တဲ့ Alan Shepard Jr နှင့် Virgil Grissom တို့အား အာကာသယာဉ်မှူးအတောင်ပံများကို ပထမဆုံးအကြိမ် ချီးမြှင့်ခြင်းခံရသူများဖြစ်ကြပါတယ်။
