တောင်ကိုရီးယားရေတပ်မှ Daegu အတန်းအစား ပဲ့ထိန်းဒုံးကျည်တင် ဖရီးဂိတ်စစ်သင်္ဘောအသစ်လက်ခံရရှိခဲ့

News

တောင်ကိုရီးယားနိုင်ငံဟာ ၂၀၂၀ နှစ်ကုန်လောက်က Daegu အတန်းစား ဖရီးဂိတ်စစ်သင်္ဘောသစ်တစ်စီးကို လက်ခံရရှိခဲ့ပါတယ်။ အဲဒီ့ စစ်သင်္ဘောဟာ Gyeongnam လို့အမည်ရပြီး Daewoo ဒေဝူး သင်္ဘောတည်ဆောက်ရေးနှင့် Hyundai ဟွန်ဒေ အကြီးစားစက်မှုတို့က တောင်ကိုရီးယားရေတပ်အတွက် တည်ဆောက်ပေးခဲ့တာဖြစ်ပါတယ်။


အဆိုပါ စစ်သင်္ဘောကို ၂၀၁၉ ခုနှစ် ဇွန်လမှာ ရေချခဲ့ပြီး ယခုနှစ်ထဲမှာ တပ်တော်ဝင်မှာပါ။ ဒီလိုစစ်သင်္ဘောမျိုး ၈ စီးကိုမှာယူထားပြီး ယခုအတန်းအစားဟာ ယခင် Incheon အတန်းအစား စစ်သင်္ဘောများကို ရေငုပ်သင်္ဘောတိုက်ဖျက်ရေးဒုံးကျည်အသစ်များ၊ လေကြောင်းကာကွယ်ရေး ဒုံးကျည်အသစ်များ၊ ဆိုနာစနစ်သစ်များ နှင့် Cruise ဒုံးပျံများပစ်လွှတ်နိုင်တဲ့ 16-cell VLS များ တပ်ဆင်ပြီး အဆင့်မြှင့်ထားတဲ့ အတန်းအစားများဖြစ်ပါတယ်။

ကိုယ်ထည်ဒီဇိုင်းဟာ Incheon အတန်းအစားကိုအခြေခံတည်ဆောက်ထားပေမယ့် ဖွဲ့စည်းတည်ဆောက်ပုံတွေကတော့ သိသိသာသာကွဲပြားပါတယ်။ ၁၀ တန်ရှိတဲ့ ရဟတ်ယာဉ်ကိုကောင်းကောင်းတင်ဆောင်နိုင်တဲ့ ကုန်းပတ်နှင့် Hangar (လေယာဉ်ရုံ) ပါပါရှိပါတယ်။

ဒီသင်္ဘောတွေမှာအင်ဂျင်ပိုင်းဆိုင်ရာ တပ်ဆင်ထားတာကတော့ Rolls-Royce MT30 တာဘိုင်၊ Leonardo DRS လျှပ်စစ်မော်တာ ၂ ခုနှင့် MTU 12V 4000 M53B ဒီဇယ်အင်ဂျင် ၄ ခု တို့ဖြစ်ပါတယ်။ အမြန်ဆုံး တစ်နာရီ ၃၀ နော့တီကယ်မိုင် (တစ်နာရီ ၃၅ မိုင် သို့မဟုတ် ၅၆ မိုင်)ထိမောင်းနှင်နိုင်ပြီး အကွာအဝေး ၄၅၀၀ နော့တီကယ်မိုင် (၈၀၀၀ ကီလိုမီတာ သို့မဟုတ် ၅၀၀၀ မိုင်) အထိ စစ်ဆင်နိုင်ပါတယ်။ ရေတပ်သား ၁၄၀ အထိလိုက်ပါစစ်ဆင်နိုင်ပြီး တပ်ဆင်ထားတဲ့လက်နက်များကတော့ အောက်ပါအတိုင်းဖြစ်ပါတယ်။

5″/54 caliber Mark 45 Naval Gun ၁ ခု
Phalanx CIWS လေကြောင်းကာကွယ်ရေး စက်သေနတ် ၁ ခု
ရေငုပ်သင်္ဘောတိုက်ဖျက်ရေး Chung Sang Eo (Blue Shark) Torpedo သုံးလုံးတွဲ ပြွန် ၂ ခု
SSM-700K Haeseong သင်္ဘောဖျက်ဒုံးကျည် ၈ လုံး
K-SAAM မြေပြင်မှဝေဟင်ပစ် ဒုံးကျည် ၄ စုံ
အဆိုပါ ဒုံးကျည်များကိုပစ်ခတ်နိုင်ရန် Korea standard K-VLS 32 cell

Content Protection by DMCA.com

Leave a Reply

Your email address will not be published.