နေရောင်ခြည် စွမ်းအင်ကို ဆယ်စုနှစ် နှစ်ခုကြာ သိုလှောင် ထားနိုင်တဲ့ အရည်အကြောင်း

Innovation Tech

ယခုအခါ သိပ္ပံပညာရှင်တွေဟာ နေရောင်ခြည်စွမ်းအင်ကို ရေရှည်သိုလှောင်နိုင်ဖို့အတွက် နောက်ထပ် ခြေတစ်လှမ်းကို လှမ်းလိုက်ပြီပဲ ဖြစ်ပါတယ်။

နေရောင်ခြည်စွမ်းအင်ဟာဆိုရင် ရုပ်ကြွင်းလောင်စာအသုံးပြုခြင်းကို ထိန်းချုပ်ဖို့ အခြားရွေးချယ်စရာများထဲမှ အလားအလာအရှိဆုံး တစ်ခု ဖြစ်ပါတယ်။

သို့သော်လည်း အဆိုပါ ​ရေရှည်တည်တံ့ခိုင်မြဲတဲ့စွမ်းအင်ကို အပြည့်အဝအသုံးပြုနိုင်ဖို့အတွက် ကျွန်ုပ်တို့ကျော်ဖြတ်ရမည့် လိုအပ်တဲ့ စိန်ခေါ်မှုတွေ ရှိပါတယ်။

ဒါကတော့ နေရောင်ခြည်စွမ်းအင်ကို ရေရှည်သိုလှောင်နိုင်ဖို့ပဲ ဖြစ်ပါတယ်။ နေရောင်မရရှိတဲ့ အချိန်တွေမှာတောင် ကျွန်ုပ်တို့အနေနဲ့ လျှပ်စစ်ဓာတ်အားကိုအသုံးပြုတဲ့ပစ္စည်းတွေအတွက် သိုလှောင်မှုဟာ အရေးကြီးပါတယ်။

သုတေသနစာတမ်း​တွေမှာ နေရဲ့စွမ်းအင်ကို သိုလှောင်ဖို့ ဆန်းသစ်တဲ့ချဉ်းကပ်နည်း အသစ်ကို အကြမ်းဖျင်းဖော်ပြထားပါတယ်။

အဆိုပါ အရည်ဟာ ဘက်ထရီကဲ့သို့ ထိရောက်စွာလုပ်ဆောင်နိုင်တဲ့အကြောင်း

၂၀၁၈တုန်းက ဆွီဒင်နိုင်ငံမှ သိပ္ပံပညာရှင်တွေဟာ နေရောင်ခြည်မှ ရယူထားတဲ့ စွမ်းအင်ကို ၁၈ နှစ်ကျော် အထိ သိုလှောင် နိုင်အောင် အထူး ပြုလုပ် ထား​သော အရည်တစ်မျိုးဖြစ်တဲ့ “နေရောင်ခြည် အပူပေး လောင်စာ” ကို တီထွင်ခဲ့ပါတယ်။

Photo: Courtesy of Chalmers/BOID

“နေရောင်ခြည် အပူပေးလောင်စာဟာ အားပြန်သွင်းနိုင်တဲ့ ဘက်ထရီနှင့် တူသော်လည်း လျှပ်စစ်အစား နေရောင်ခြည်ကို အသုံးပြုပြီး အပူ ထုတ်လွှတ်တာဖြစ်တယ်” ဟု MIT မှ အင်ဂျင်နီယာ Jeffrey Grossman က NBC News သို့ ရှင်းပြခဲ့ပါတယ်။

ဆွီဒင်နိုင်ငံရှိ Chalmers နည်းပညာတက္ကသိုလ်မှ သိပ္ပံပညာရှင်များ တီထွင်ခဲ့တဲ့ အဆိုပါ နည်းပညာဟာ ဆိုရင် တစ်နှစ်ကျော်မက ကြာခဲ့ပြီပဲ ဖြစ်ပါတယ်။

MOST (Molecular Solar Thermal Energy Storage System) ဟု အမည်ပေးထားတဲ့ နေရောင်ခြည် အပူ စုဆောင်းတဲ့ စနစ်ဟာ အထူး ပြုလုပ်ထားတဲ့ အရည်တစ်မျိုးဖြင့် အလုပ်လုပ်ပါတယ်။

၎င်းဟာ နေရောင်ခြည်အပူလောင်စာကို ဖောက်ထွင်းမြင်ရတဲ့ ပြွန်များမှတစ်ဆင့် လည်ပတ်စေပါတယ်။

နေရောင်ခြည်ဟာ လောင်စာဆီနှင့် ထိတွေ့တဲ့အခါ ၎င်းရဲ့အက်တမ်များကြားရှိ အနှောင်အဖွဲ့များကို ပြန်လည်စီမံပြီး စွမ်းအင်ပြည့်ဝတဲ့ အိုင်ဆိုမာ အဖြစ်သို့ ပြောင်းလဲသွားပါတယ်။ ထို့နောက် နေစွမ်းအင်ကို အိုင်ဆိုမာတွေရဲ့ ပြင်းထန်တဲ့ ဓာတုအနှောင်အဖွဲ့တွေနဲ့ ဖမ်းယူပါတယ်။

မော်လီကျူးတွေဟာ အခန်းအပူချိန် ​ရောက်သွားရင်တောင် ​နေစွမ်းအင်တွေဟာ အဆိုပါ အရည်ထဲမှာ ပိတ်မိနေပါတယ်။

ပိတ်မိနေတဲ့ စွမ်းအင်ကို အသုံးပြုဖို့အတွက် အရည်ကို 113°F (63°C) ဖြင့် အရည်ကို နွေးထွေးစေတဲ့ တုံ့ပြန်မှုကို ဖန်တီးပေးတဲ့ သုတေသနအဖွဲ့မှ တီထွင်ထားသော ဓာတ်ကူပစ္စည်းတစ်ခုကို အသုံးပြုပါတယ်။

အဆိုပါ ပစ္စည်းဟာ မော်လီကျူးတွေကို ၎င်းတို့ရဲ့ မူလပုံစံသို့ ပြန်ရောက်စေပြီး အပူပုံစံဖြင့် စွမ်းအင်ကို ထုတ်လွှတ်စေပါတယ်။

“စွမ်းအင်ကို ထုတ်ယူပြီး သုံးစွဲတဲ့အခါ ကျွန်တော်တို့ မျှော်လင့်ထားတာထက် ပိုကောင်းတဲ့ နွေးထွေးမှုကို ခံစားရစေမှာပါ” ဟု သုတေသနအဖွဲ့ခေါင်းဆောင်ဖြစ်တဲ့ ဓာတုဗေဒနှင့် ဓာတုအင်ဂျင်နီယာဌာနမှ ပါမောက္ခ Kasper Moth-Poulsen က သတင်းထုတ်ပြန်ချက်မှာ ပြောကြားခဲ့ပါတယ်။

အဆောက်အအုံတစ်ခုရဲ့ စွမ်းအင်လိုအပ်ချက်တစ်ခုဖြစ်ပေါ်လာတဲ့အခါတွေမှာဆိုရင် ရေပူပေးစက်၊ ပန်းကန်ဆေးစက်၊ အဝတ်ခြောက်စက်နှင့် အခြားအရာများစွာကို စွမ်းအင်ပေးဖို့ စွမ်းအင်​ပြည့်ဝတဲ့အရည်ကို အသုံးပြုနိုင်ပါတယ်။

ချက်ပြုတ်ခြင်း၊ ပိုးသတ်ခြင်း၊ အရောင်ချွတ်ခြင်းနှင့် ပေါင်းခံခြင်းစသည်တို့အတွက် အသုံးပြုတဲ့ အပူချိန်နိမ့်တဲ့ အရာတွေ အပါအဝင် စက်မှု လုပ်ငန်းသုံး အထိ အသုံးချမှုတွေ ပြုလုပ်နိုင်ပါတယ်။

ထို့နောက်အရည်ကို ပြန်လည်အသုံးပြုဖို့အတွက် နေရောင်ခြည်အပူစုဆောင်းတဲ့အရာထဲသို့ ပြန်လည်စုပ်ယူပါတယ်။

သုတေသီတွေကတော့ ဒါဟာ မော်လီကျူး ဖွဲ့စည်းပုံကို သိသာ ထင်ရှားစွာ မထိခိုက်စေဘဲ အဆိုပါ အရည်ကို ၁၂၅ ကြိမ်ထက် မနည်း အသုံးပြု နိုင်တယ်ဟု ဆိုပါတယ်။

Moth-Poulsen ကတော့ ၎င်းတို့ရဲ့လောင်စာဟာ ၂.၂ ပေါင် (၁ ကီလိုဂရမ်)ဆိုရင် စွမ်းအင် တစ်နာရီကို ၂၅၀ ဝပ် အထိ သိုလှောင်နိုင်တယ်ဟု တွက်ချက်ထားပါတယ်။ဒါဟာTesla Powerwall ဘက်ထရီများရဲ့ စွမ်းအင်ထက် နှစ်ဆခန့်ရှိပါတယ်။

အကြီးစားအသုံးပြုမှု

၂၀၂၀ ခုနှစ် နှောင်းပိုင်းထဲက Chalmers မှအဖွဲ့တစ်ဖွဲ့ဦးဆောင်တဲ့ အဆိုပါ ပရောဂျက်ရဲ့ အကြီးစား အသုံးပြုမှုတွေ အတွက် နည်းပညာရဲ့ရှေ့ပြေး ပုံစံများကို ဖန်တီး လုပ်ဆောင်နေပါပြီ။

အဆိုပါစီမံကိန်းကို EU မှ ယူရို 4.3 သန်း ခွင့်ပြုထားပြီး ၃နှစ်ခွဲ ကြာမြင့်မှာဖြစ်တယ်ဟု ဆိုပါတယ်။

အဆိုပါ ရန်ပုံငွေဖြင့် လူနေအိမ်နှင့်စက်မှုလုပ်ငန်းသုံးအသုံးအဆောင်တွေမှာ အပူပေးဖို့အတွက် နေရောင်ခြည်စွမ်းအင်ကို အသုံးပြုတဲ့ နည်းပညာတွေကို တီထွင်မှာဖြစ်ပြီး ဒါဟာ ဓာတ်ငွေ့ထုတ်လွှတ်မှုကင်းစင်တဲ့ ဖြေရှင်းချက်အသစ်များကို ရရှိစေမှာဖြစ်ပါတယ်။

ဒါ့ကြောင့် MOST ရဲ့ဖွံ့ဖြိုးတိုးတက်မှုအတွက် တိုးတက်မှုသတင်းများ ထွက်ပေါ်လာပါတယ်။

ဒီပရောဂျက်ဟာ အလွန်အရေးကြီးပြီး စိတ်လှုပ်ရှားဖွယ် ကောင်းတဲ့ အဆင့်သို့ ဦးတည်နေတယ် ဟု Kasper Moth-Poulsen က ဆိုပါတယ်။

ရေးသားသူ – Kaung Htet (Knowledgeworms team)

Knowledgeworms Copyright © 2021 ကူးယူ ဖော်ပြခွင့် လုံးဝ ခွင့်မပြုပါ။

Content Protection by DMCA.com

Leave a Reply

Your email address will not be published.