စမ်းသပ်မှု အောင်မြင်တယ်လို့ ပြောတဲ့ တရုတ်၏ ဒုံးခွင်းစနစ် နှင့် အမေရိကန်၏ လက်ရှိ အခြေအနေ

Article Military

တရုတ်ဟာ anti-ballistic missile (ABM) လို့ခေါ်တဲ့ ပဲ့ထိန်းတပ် ဒုံးကျည်ကာကွယ်ရေး စနစ်တခုကို ဇွန်လ ၁၉ ရက်နေ့က စမ်းသပ် အောင်မြင်ခဲ့ကြောင်း ကြေညာခဲ့ပါတယ်။

တရုတ်နိုင်ငံ ကာကွယ်ရေး ဝန်ကြီးဌာနမှ ၎င်းတို့၏ မြေပြင်အခြေစိုက် ဒုံးခွင်းစနစ် အောင်မြင်မှုကို အတိုချုံး ဖော်ပြခဲ့တာ ဖြစ်ပြီး အခြားနိုင်ငံကို မရည်ရွယ်ကြောင်း အလေးပေး ပြောဆိုခဲ့တာကို တွေ့ရပါတယ်။

သို့ပေမဲ့ တရုတ်အစိုးရပိုင် Global Times သတင်းဌာန၏ လေသံကတော့ ရန်လိုသည့် ပုံစံရှိပြီး ဒီစမ်းသပ်မှု၏ တရုတ်ဒုံးခွင်းစနစ်များ၏ စိတ်ချရမှုကို သက်သေပြနေကာ ပစိဖိတ် ဒေသရှိ အမေရိကန်၏ တိုက်ချင်းပစ် ဒုံးကျည် ICBM များနှင့် အလယ်အလတ် အကွာအဝေး သွားနိုင်သည့် ဒုံးကျည် IRBM များကို ချေမှုန်းနိုင်တယ်လို့ ဆိုပါတယ်။

စမ်းသပ်မှုဟာ မြေပြင် အခြေစိုက် နျူကလီးယား လက်နက်တိုက်ကို ကာကွယ်ဖို့ရာအတွက် တရုတ်နိုင်ငံ၏ ကြိုးပမ်းမှုကို ပြသနေပါတယ်။

“ကျွန်တော်တို့ရဲ့ နျူကလီးယား တပ်ဖွဲ့၏ ဖွံ့ဖြိုးတိုးတက်မှုဟာ အလွန် အကန့်အသတ်ရှိပါတယ်။ ဒါဟာ ကျွန်တော်တို့ နျူက လီးယား တပ်ဖွဲ့၏ ရှင်သန်နိုင်စွမ်းကို သေချာအောင် လုပ်ရမယ်ကို ဆိုလိုပါတယ်” လို့ တရုတ်ပြည်သူ့ လွတ်မြောက်ရေးတပ် မှ ဒုံးကျည်တပ်ဖွဲ့ဝင်ဟောင်း စစ်ရေး ကျွမ်းကျင်သူ Shao Yongling က ပြောပါတယ်။

တရုတ်ဟာ လက်ရှိ နိုင်ငံအတွင်းတွင် ပြည်တွင်းလုပ် နှင့် ရုရှားမှ ဝယ်ယူထားသည့် ဒုံးကျည် ကာကွယ်ရေး စနစ် မျိုးစုံကို ဖြန့်ကျက်ထားပါတယ်။

DF series တစင်း ပစ်လွှတ်စဉ် ပုံဟောင်း

ကာကွယ်ရေး ဝန်ကြီးဌာနက ၎င်းတို့ စမ်းသပ်မှုတွင် အသုံးပြုခဲ့သည့် စနစ်ကို မဖော်ပြပေမယ့် ထိုစနစ်ဟာ ဖွံ့ဖြိုးတိုးတက်ရေး အဆင့်မှာသာ ရှိသေးပြီး ယခု ဆယ်စုနှစ် နှောင်းပိုင်း မတိုင်မီမှာ ကနဦး တပ်ဖြန့်နိုင်မည့် midcourse ကြားဖြတ်ဒုံးခွင်းစနစ်များ ဖြစ်နိုင်ပါတယ်။

ထိုစနစ်ဟာ IRBM ဒုံးများကို ကြားဖြတ်နိုင်သည့် စွမ်းဆောင်ရည် ရှိသဖြင့် ICBM များနှင့် ရေငုပ်သင်္ဘောမှ ပစ်လွှတ်သည့် ပဲ့ထိန်းထပ် ဒုံးများကို ကာကွယ်နိုင်ဖို့ အဆင့်မြှင့်တင်နိုင်ဖွယ် ရှိပါတယ်။

တိုက်ချင်းပစ်ဒုံးကျည် ICBM အပါအဝင် ပဲ့ထိန်းတပ် ဒုံးကျည်များဟာ Boost၊ midcourse နှင့် terminal ဆိုပြီး အဆင့် ၃ ဆင့်နှင့် ပျံသန်းတာ ဖြစ်ပါတယ်။

ပထမ အဆင့်ဖြစ်သည့် တွန်းကန်စနစ်သုံး Boost အဆင့်မှာ ကြားဖြတ်ဖို့ အခွင့်အရေး အနည်းငယ်သာ ရှိပေမယ့် ပျံသန်းနေချိန် ဖြစ်တဲ့ midcourse အဆင့်မှာ ဟိုက်ပါဆိုးနစ် အမြန်နှုန်းကို မရောက်ခင် တားဆီးဖို့ အခွင့်အရေးတွေ ရှိပါတယ်။

ပဲ့ထိန်းတပ် ဒုံးကျည်များကို တားဆီးရန် midcourse အဆင့်ဟာ အရေးကြီးပြီး အသံနှင့် ၅ ဆ အထက် terminal အဆင့်ကို ရောက်ရှိသွားပါက ကြားဖြတ်ဖို့ မဖြစ်နိုင်လောက်တဲ့ အနေအထားကို ရောက်ရှိသွားနိုင်ပါတယ်။

ဒီလို လုပ်ဆောင် နိုင်ဖို့ မြေပြင် အခြေစိုက် အာရုံခံ စနစ်များဟာ ပစ်လွှတ်သည့် အချက်အလက်များကို မြန်နိုင် သမျှ မြန်အောင် သိရှိရမှာဖြစ်သလို ကြားဖြတ်ဒုံးခွင်းစနစ်ဟာလည်း အလွန်လျှင်မြန်စွာ ပစ်မှတ်ကို ရောက်ရှိနိုင်ရမှာပါ။

Image: Courtesy of Missile Defense Agency

ပဲ့ထိန်းတပ် ဒုံးကျည်များကို ကြားဖြတ်ရန် အတွက် midcourse အဆင့်ဟာ ဒုံးခွင်းစနစ်များအတွက် အကြာဆုံး ရရှိနိုင်တဲ့ အချိန်တခု ဖြစ်ပါတယ်။

ထိုအဆင့်တွင် ဒုံးကျည်ဟာ တွန်းကန်စနစ် မပါတော့ဘဲ အရှိန်ဖြင့် မျဉ်းကွေးပုံစံ လမ်းကြောင်းနှင့် သွားလာကာ လေထု ပြင်ပကို ထွက်ကာ လေထုထဲ ပြန်လည်ဝင်ရောက်ပြီး အရှိန်အဟုန်ဖြင့် Terminal အဆင့်ကို ရောက်ရှိလာတာ ဖြစ်ပါတယ်။

ဒုံးခွင်း စနစ်များဟာ ကြီးမားသည့် ဧရိယာကို ကာကွယ်နိုင်ဖို့အတွက် နေရာ အနည်းငယ်မှ နေပြီး ကြားဖြတ် ဒုံးကျည်ပေါင်း များစွာကို ပစ်လွှတ်နိုင်စွမ်း ရှိပါတယ်။

Terminal အဆင့်နှင့် ဝင်ရောက်လာသည့် ဒုံးကျည်များကို ဒုံးခွင်းစနစ်များ၏ ပစ်လွှတ်နိုင်စွမ်းဖြင့် ကာကွယ်နိုင်ပေမယ့် ၎င်းဟာ ရှုပ်ထွေးပြီး ပစ်မှတ်အတု/ထိပ်ဖူး အတုတွေ ခွဲကာ ရောက်လာတတ်ပါတယ်။

ဒါ့အပြင် ကာကွယ်ရေးနစ်များအတွက် အလွန် နီးကပ်သည့် အနေအထားဖြစ်ကာ ပုံမှန်အားဖြင့် ကာကွယ်ရန် အချိန် တမိနစ်အောက်သာ ရှိနိုင်ပါတယ်။

Terminal – အဆင့် ကာကွယ်ရေး စနစ်များကတော့ စစ်သည် အစုအဖွဲ့များ၊ အခြေစိုက် စခန်းများနှင့် စခန်းချ နေရာများ ကဲ့ သို့ မဟာဗျူဟာမြောက် ပစ်မှတ်များကို ကာကွယ်ပေးပါတယ်။

ICBM သို့မဟုတ် IRBM လမ်းကြောင်း

အားနည်းချက်တွေရှိတဲ့ နောက်ဆုံးအဆင့် ကာကွယ်ရေးစနစ်ကြောင့် ပိုပြီး အဆင့်မြင့်တဲ့ အမေရိကန်တို့ အသုံးပြုနေသည့် တာဝေးပစ် ICBM များအတွက် မြေပြင် အခြေစိုက် Midcourse အဆင့် ကာကွယ်ရေးစနစ် GMD လိုမျိုး တရုတ်မှ ထုတ် လုပ်ဖို့ ကြိုးစားနေတာ ဖြစ်ပါတယ်။

အမေရိကန်ဟာ ၁၉၉၉ ခုနှစ်ကတည်းက ပဲ့ထိန်းတပ်ဒုံးကျည်များကဲ့သို့ ပစ်မှတ်များ ပါဝင်သည့် GMD စမ်းသပ်မှုပေါင်း ၁၇ ခုနှစ်လောက် ပြုလုပ်ခဲ့ပြီး ၉ ခုကို အောင်မြင်စွာ ကြားဖြတ်နိုင်ခဲ့ပါတယ်။

ဒါ့ကြောင့် အမေရိကန် အခြေစိုက် မဟာဗျူဟာနှင့် နိုင်ငံတကာလေ့လာမှုများ ဆိုင်ရာ think tank စင်တာမှ ထိုစနစ်၏ အောင်မြင်မှုကို ၅၃ ရာခိုင်နှုန်း ရှိတယ်လို့ သတ်မှတ်ထားပါတယ်။

ဆန့်ကျင်ဘက်အနေဖြင့် Global Times သတင်းဌာန အဆိုအရ တရုတ်နိုင်ငံဟာ ၂၀၁၀၊ ၂၀၁၃၊ ၂၀၁၈ နှင့် ၂၀၂၁ ခုနှစ်များမှာ အောင်မြင်သည့် ကြားဖြတ်မှုများကို အတည်ပြုခဲ့ပေမယ့် ဘယ်လောက် မအောင်မြင်လည်း ဆိုတာကိုတော့ မဖော်ပြထားပါဘူး။

ဒါ့ကြောင့် ၎င်းတို့၏ ကြားဖြတ်ဒုံးခွင်းစနစ်ဟာ ဘယ်လောက်အထိ ထိရောက်မှု ရှိသလဲဆိုတာ ခန့်မှန်းဖို့ ခက်ခဲပါတယ်။

တရုတ်၏ မြေပြင် အခြေစိုက် နျူကလီးယား လက်နက်တိုးချဲ့မှုဟာ ၎င်း၏ ပစ်လွှတ်မှုဆိုင်ရာ အဆောက်အအုံများကို ကာကွယ်ရန်အတွက် midcourse အဆင့် ကြားဖြတ်ကာကွယ်ရေး စနစ်များ စမ်းသပ်ဖို့ တွန်းအားတွေ ဖြစ်လာစေခဲ့ပါတယ်။

၂၀၂၁ ခုနှစ်က Washington Times ၏ ဖော်ပြချက်အရ တရုတ်ဟာ Yumen အနီး ကန္တာရ အတွင်းမှာ တိုက်ချင်းပစ် ဒုံး ကျည် ပစ်လွှတ်စနစ်ပေါင်း ၁၁၉ ခု တည်ဆောက် ထားပြီး ထိပ်ဖူး ၂၅၀ မှ ၃၅၀ ကြား အထိုင်ချထား နိုင်တယ်လို့ သိရပါတယ်။

ICBM အတွင်းရှိ နျူကလီးယား ထိပ်ဖူးများ သရုပ်ပြပုံ

၂၀၁၈ ခုနှစ်အရ အမေရိကန်၏ နျူကလီးယားဆိုင်ရာ ရပ်တည်ချက် သုံးသပ်မှုအရ ရုရှားနှင့် တရုတ်တို့၏ နျူကလီးယား လက်နက် အဆင့်မြှင့်တင်မှုများကြောင့် အမေရိကန်ဟာလည်း ၎င်း၏ နျူကလီးယား တပ်ဖွဲ့ကို အဆင့်မြှင့်ဖို့ ပြဌာန်းထားပါတယ်။

ဒီလို အမေရိကန်၏ မဟာဗျူဟာမြောက် နျူကလီးယား လက်နက်တိုက် အဆင့်မြှင့်တင်လာမှုဟာလည်း တရုတ်နိုင်ငံအပေါ် လွှမ်းမိုးမှု ရှိတာကြောင့် ဒီလို စမ်းသပ်မှုတွေ ဖြစ်ပေါ်လာတာ ဖြစ်ပါတယ်။

၂၀၂၂ ခုနှစ် ဧပြီလအတွင်းမှာ အမေရိကန်ဟာ LGM-35A Sentinel များကို ၎င်း၏ နျူကလီးယား လက်နက်ကြီး ၃ ခု အ တွင်း သွတ်သွင်းခဲ့ပြီး နှစ် ၅၀ လောက် ရှိပြီဖြစ်တဲ့ Minuteman ဒုံးကျည်များနေရာတွင် အစားထိုးခဲ့ပါတယ်။

ဒါ့အပြင် ပဲ့ထိန်းတပ် ဒုံးကျည်များ ပစ်လွှတ်နိုင်သည့် အကြီးဆုံးနှင့် အဆင့်အမြင့်ဆုံး Columbia အတန်းအစား ရေငုပ် သ င်္ဘောကိုလည်း လက်ရှိမှာ တည်ဆောက်နေပါတယ်။

အမေရိကန်ဟာ Columbia အတန်းအစား ရေငုပ်သင်္ဘောများကို တ ဒါဇင်ခန့် တည်ဆောက်ဖို့ စီစဉ်ထားပြီး ပထမဆုံး ရေ ငုပ်သင်္ဘောဟာ ၂၀၂၇ ခုနှစ်လောက်မှာ စတင် တာဝန်ထမ်းဆောင်မယ်လို့ ခန့်မှန်းထားပါတယ်။

ထို ရေငုပ်သင်္ဘော တစင်းစီဟာ တာဝေး ပဲ့ထိန်းတပ် ဒုံးကျည်ပေါင်း ၁၆ လုံးလောက် တင်ဆောင်နိုင်ပြီး အမေရိကန် နျူက လီးယား လက်နက်ကြီး ၃ မျိုး၏ ၇၀ ရာခိုင်နှုန်းအထိ အင်အားရှိလာမှာ ဖြစ်ပါတယ်။

ရေးသားသူ – Aurora (Knowledgeworms team)

Knowledgeworms Copyright © 2022 ကူးယူ ဖော်ပြခြင်း လုံးဝ ခွင့်မပြုပါ။

Content Protection by DMCA.com

Leave a Reply

Your email address will not be published.