လိုအပ်တဲ့အခါ တောင့်တင်းစေနိုင်တဲ့ ပျော့ပြောင်းသော ကျည်ကာချပ်ဝတ် အသစ် အကြောင်း

Innovation Military

ပစ္စည်းဟာ ပျော့ပြောင်းရာမှ ခိုင်ခံ့သောအခြေအနေသို့ အလွယ်တကူ ပြောင်းနိုင်ပြီး smart exoskeleton တွေ အတွက် သို့မဟုတ် ယာယီ တံတားထိုးတဲ့ နေရာမှာ အသုံးပြုနိုင်ပါတယ်။

ကယ်လီဖိုးနီးယားနည်းပညာတက္ကသိုလ် (Caltech) နှင့် စင်ကာပူရှိ Nanyang နည်းပညာတက္ကသိုလ် (NTU) တို့မှ အင်ဂျင်နီယာတွေဟာ ဖိအားအောက်တွင် ပျော့ပြောင်းနိုင်သော အခြေအနေမှ မာကြောသော အကာအကွယ်ပစ္စည်း အဖြစ်သို့ ပြောင်းလဲနိုင်သည့် ရှေးခေတ်စစ်ပွဲသုံးချပ်ဝတ်ကို တုပထားသော ချပ်ဝတ်အထည်တစ်မျိုးကို တီထွင်ဖန်တီးဖို့ ပူးပေါင်းဆောင်ရွက်ခဲ့ကြောင်း သတင်းထုတ်ပြန်ချက်တစ်ခုအရ သိရပါတယ်။

အဆိုပါ ပစ္စည်းကို exoskeleton တွေနှင့် ဒဏ်ရာကို ကုသရာတွင် ပံ့ပိုးပေးဖို့ လိုအပ်သည့်အခါ အနည်းနှင့်အများ တောင့်တင်းလာစေမယ့်ပစ္စည်းတစ်ခုတို့အတွက် စမတ်အထည် အဖြစ်လည်းကောင်း လူတွေကို အလွယ်တကူ သွားလာနိုင်စေရန် အတားအဆီးကို ကျော်လွှားနိုင်ပြီး တောင့်တင်းခိုင်မာသော တံတားအဖြစ်လည်းကောင်း ပြောင်းလဲနိုင်စေသော အသုံးချ ပရိုဂရမ်များစွာအတွက် အသုံးပြုနိုင်ပါတယ်။

ရှေးခေတ်စစ်ပွဲသုံး ချပ်ဝတ်ကို တုပထားသော ချပ်ဝတ်အထည်ဟာ သူ့ရဲ့ ကိုယ်ပိုင်အလေးချိန်၏ အဆ ၅၀ ကို ခံနိုင်ရည်ရှိ

Photo: Courtesy of Caltech

“အင်ဂျင်နီယာအဖွဲ့ဟာ ပျော့ပျောင်းပြီး ခေါက်နိုင်ရာမှ တောင့်တင်းစေပြီး အလေးချိန်ကို ပံ့ပိုးပေးတဲ့ ချပ်ဝတ်အထည်ကို ဖန်တီးရန် စီစဉ်ထားတယ်” လို့ Nature ဂျာနယ်တွင် ထုတ်ဝေထားသည့် အဖွဲ့၏ လေ့လာမှုဆိုင်ရာ ရေးသားသူ Chiara Daraio က ပြောပါတယ်။

သုတေသီတွေဟာ မတူညီသော ပစ္စည်း အမျိုးအစားများနှင့် အမျိုးမျိုးသော ပုံစံတွေနဲ့ သူတို့ရဲ့ ဂုဏ်သတ္တိတွေကို ကွန်ပျူတာ ပုံဖော်မှုများမှ စမ်းသပ်မှုနှင့် ချို့ယွင်းမှုတို့ကို ပေါင်းစပ်ရာမှ ချပ်ဝတ်ပစ္စည်းကို တီထွင်ခဲ့ကြပါတယ်။

အောက်တွင် သတ္တုလုံးဖြင့် ထိမှန်ထားသော ပျော့ပျောင်းပြီး အကွဲအပြဲမရှိသော ပစ္စည်းကို သရုပ်ပြထားပါတယ်။

Photo: Courtesy of Caltech

ဒီနေရာမှာတော့ တူညီသောပစ္စည်းက တူညီသောသတ္တုလုံးဖြင့် ထိမှန်ထားသော်လည်း ၎င်းသည် ကာကွယ်ထားသော အခြေအနေတွင်သာရှိပြီး ဤသည်မှာ ထိခိုက်မှုဒဏ်ကို ပိုမို ခံနိုင်ရည်ရှိပြီး ပိုမိုခိုင်ခံ့တယ်ဆိုတာ ထင်ရှားပါတယ်။

နိုင်ငံတကာ သုတေသီတွေအဖွဲ့မှ တီထွင် ထုတ်လုပ်ထားသော ပစ္စည်းကို ပလပ်စတစ် သို့မဟုတ် အလူမီနီယမ်ဖြင့် ပြုလုပ်နိုင်သော၊ 3D နည်းပညာဖြင့် ထုတ်လုပ်ထားသော အခေါင်းပေါက်တွေနှင့် အနားရှစ်ခုပါ တြိဂံပုံစံတွေ ရာနှင့်ချီပြီး ဖွဲ့စည်းထားပါတယ်။

အနာဂတ်၏ ဝတ်ဆင်နိုင်သော အဆင့်မီကိရိယာများ

“ဒီအထည်တွေက ဝတ်ဆင်နိုင်တဲ့ စမတ်ကိရိယာတွေမှာ အလားအလာရှိတဲ့ အသုံးချပရိုဂရမ်တွေ ရှိပါတယ်။ ဖိညှပ်မခံရသောအခါ ၎င်းတို့သည် ပေါ့ပါးပြီး လိုက်လျောညီထွေရှိပြီး ဝတ်ဆင်ရတာ ​သက်တောင့်သက်သာရှိပါတယ်။”

“ဖိညှပ်ခံရပြီးတဲ့နောက် ၎င်းတို့သည် ဝတ်ဆင်သူ၏ ခန္ဓာကိုယ်ပေါ်တွင် အထောက်အကူဖြစ်စေပြီး အကာအကွယ်ပေးသည့် အလွှာတစ်ခု ဖြစ်လာပါတယ်” လို့ ယခုအခါ NTU တွင် လက်ထောက်ပါမောက္ခတစ်ဦးဖြစ်နေသည့် Caltech ပါရဂူဘွဲ့လွန်သုတေသီ Yifan Wang က ပြောကြားခဲ့ပါတယ်။

မြစ် သို့မဟုတ် ချောက်တွေကို ဖြတ်၍ ချိတ်ဆက်ထားသော ပေါ့ပါးသော ပစ္စည်းလိပ်တွေကနေတဆင့် ကေဘယ်ကြိုးများကို သွယ်တန်းစေပြီး အစိတ်အပိုင်းတွေကို တညီတညွှတ်တည်း တင်းတင်းကျပ်ကျပ် ဖြစ်အောင် ပြုလုပ်နိုင်ပြီး ကြိုးတွေကို ခိုင်မာစေအောင် ပြုလုပ်နိုင်တယ်လို့ သုတေသီတွေက ပြောပါတယ်။

Photo: Courtesy of Caltech

“ဒီကြိုးတွေကို hoodie (ခေါင်းစွပ် အင်္ကျီ) ပေါ်က ဇစ်ကြိုးတွေလို တွေးကြည့်ပါ” လို့ Wang က ဆိုပါတယ်။

ရှေးခေတ် စစ်ပွဲသုံး ချပ်ဝတ် ကဲ့သို့သော ပစ္စည်း၏ သေးငယ်သော အကွက်တွေကို ကျောရိုးပံ့ပိုးမှု ပုံစံ အဖြစ် သော်လည်းကောင်း၊ exoskeleton အသုံးပြုသူတွေအတွက် ဝန်ဒဏ်ခံနိုင်သည့် အကန့်တစ်ခု အဖြစ်သော်လည်းကောင်း၊ virtual reality အစုံတွေအတွက် အထိအတွေ့ အာရုံတုံ့ပြန်ချက်နည်းပညာတွေကို မြှင့်တင်ရန်အတွက်သော်လည်းကောင်း အသုံးပြုနိုင်ပါတယ်။

ထို့ကြောင့် ပစ္စည်းဟာ အနာဂတ်ရဲ့ စစ်ဘက်၊ ဆေးဘက်ဆိုင်ရာနှင့် အိမ်သုံး အီလက်ထရွန်နစ် တီထွင် ဆန်းသစ်မှု တွေမှာ ကြီးမားသောအခန်းကဏ္ဍမှ ပါဝင်နိုင်လာပါတယ်။

Lily (Knowledgeworms team)

Knowledgeworms Copyright © 2021 ကူးယူ ဖော်ပြခွင့် လုံးဝ ခွင့်မပြုပါ။

Content Protection by DMCA.com

Leave a Reply

Your email address will not be published.