ဒါဟာ ပြုပြင်ထိန်းသိမ်းရေး လုပ်ငန်းများကို လျော့ချနိုင်ပါတယ်။ ယုံသည်ဖြစ်စေ မယုံသည်ဖြစ်စေ ကွန်ကရစ်တွေက ပိုပြီး မာကျောလာပါတယ်။
သိပ္ပံပညာရှင် အဖွဲ့တစ်ဖွဲ့ဟာ သူ့ကိုယ်သူ ပြုပြင်နိုင်တဲ့ အလွန် ခံနိုင်ရည်ရှိသော ကွန်ကရစ်အမျိုးအစား ဒီဇိုင်း တခုကို ၂၀၂၁ ခုနှစ် ကတည်းက ထုတ်လုပ်ထားပါတယ်။
အဆိုပါ ကွန်ကရစ်သစ်ဟာ သမားရိုးကျ top-of-the-line ကွန်ကရစ်များထက် ၃၀% ပိုမိုတာရှည်ခံပါတယ်။
ဆိုလိုတာက အက်ကွဲကြောင်းဖြစ်ပေါ်မှု နည်းပါးပြီး တကယ်လို့ အက်ကွဲကြောင်းများ ဖြစ်ပေါ်လာရင်လည်း ၎င်းဟာ သူ့ဘာသာ ပြန်လည်ပြုပြင်နိုင်ပါတယ်။
ကွန်ကရစ်ဖြင့် passive မှ active ကာကွယ်မှုသို့ ပြောင်းလဲခြင်း
အဆိုပါ ကွန်ကရစ်ရဲ့ ဂုဏ်သတ္တိများဟာ ပုံဆောင်ခဲ ထည့်သွင်းမှုတွေ ၊ alumina nanofibers နဲ့ cellulose nanocrystals ကဲ့သို့သော အရာတွေကို အသုံးပြုထားပြီး ရောနှော ဒီဇိုင်းဆွဲထားတာကြောင့် ဖြစ်နိုင်ပြီး
ဒါဟာ သူကိုယ်သူ ပြန်လည်ပြုပြင်နိုင်တဲ့ ပစ္စည်းရဲ့ စွမ်းရည်ကို တိုး တက်စေတာဖြစ်တယ် လို့ ကွန်ကရစ် သိပ္ပံ နဲ့ နည်းပညာတက္ကသိုလ်မှ သုတေသီ Pedro Serna က သတင်းထုတ်ပြန်ချက်မှာ ပြောကြားခဲ့ပါတယ်။
ပစ္စည်းအသစ်ရဲ့ ပြိုင်ဘက်ကင်းစေတဲ့ တခြားသော့ချက်တစ်ခု က သမာရိုးကျ နဲ့ ထူးခြားတဲ့ ပြုပြင်ထိန်းသိမ်းမှု အလုပ်တွေရဲ့ ကြိမ်နှုန်းမှာ အလွန်နည်းပါတယ်။
အဆိုပါ ပစ္စည်းအသစ်ဟာ ပုံမှန်ကန့်သတ်ချက်များထက် ပိုမိုကြာရှည်နိုင်ပြီး အကြမ်းဖျင်းအားဖြင့် နှစ်ပေါင်း ၅၀ ခန့်လောက် ကြာရှည်ခံနိုင်ပါတယ်။
၎င်းဟာ ပင်လယ်အနီးရှိ တည်ဆောက်မှုတွေ နဲ့ မြေအောက် အပူ စွမ်းအင်သုံး စက်ရုံများ ကဲ့သို့ ပြင်းထန်သောပတ်ဝန်းကျင်ဖိအားများကို ခံနိုင်ရည်ရှိတဲ့ အခြေခံ အဆောက်အဦး များအတွက် အထူးအသုံးဝင်ပါတယ်။
” ဒီပရောဂျက်အတွက် ကျွန်ုပ်တို့ဟာ တွယ်ဆက် ပစ္စည်းတွေကို ခံနိုင်ရည်ရှိတဲ့ လက္ခဏာရရှိအောင် ဘယ်လို တည်ဆောက် ဒီဇိုင်း ဆွဲသလဲဆိုတော့ ပစ္စည်းရဲ့ ဖွဲ့စည်းမှု နှင့် တည်ဆောက်ပုံအကြား ပေါင်းစပ်မှု ဘဲ ဖြစ်ပါတယ်” ဟု ICITECH မှအခြားသုတေသီတစ်ဦးဖြစ်တဲ့ Marta Roig Flores က သတင်းထုတ်ပြန်ချက်မှာ ပြောကြားခဲ့ပါတယ်။ ”
Credit: Universitat Politècnica de València
ကျွနိုပ်တို့ဟာ တွယ်ဆက်မှု အားကောင်းပြီး ခိုင်ခံတဲ့ အဆိုပါ ကွန်ကရစ်ရဲ့ ဖွဲ့စည်းပုံမှာ ပုံမှန်အတိုင်း ရင်ဆိုင်နေရတဲ့ အက်ကွဲ ကြောင်း ပြ ဿနာ ဖြစ်ပြီး မိမိကိုယ်ကို ပြုပြင်နိုင်တဲ့ စွမ်းရည် နဲ့ ခိုင်ခံ့တဲ့ ဒြပ်ပေါင်း အသစ်တွေကို စမ်းသပ်ပြီး ဒီဇိုင်းထုတ် ထားပါတယ်” ဟုဆိုပါတယ်။
ကွန်ကရစ်ရဲ့ စွမ်းဆောင်ရည်အသစ်ပေါ်က အချိန်နှင့်တပြေးညီ အချက်အလက်များ
အဆိုပါ ပစ္စည်းအသစ်ကို တရားဝင်အောင်ပြုလုပ်နေစဥ် အတွင်းမှာဘဲ လက်တွေ့လောကတည်ဆောက်မှုလုပ်ငန်းစဉ်များ အကြား လက်ရှိ အကြီးစားရှေ့ပြေးအဆောက်အဦး ၆ ခုတည်ဆောက်ခြင်းအတွက် အသုံးပြုခဲ့ပါတယ်။
သူတို့ထဲမှ ရှေ့ပြေးအဆောက်အဦးနှစ်ခု ကို Valencian ၊ နှစ်ခုကို Italy ၊ Malta နဲ့ Ireland မှာတော့ တစ်ခုဆီ တည်ဆောက်တဲ့နေရာမှာ အသုံးပြုခဲ့ပါတယ်။
အဆိုပါ ရုပ်ပိုင်းဆိုင်ရာဖွဲ့စည်းတည်ဆောက်ပုံများကို UPM နည်းပညာဖြင့် အမြဲတစေစောင့်ကြည့်နေပြီး IDM Institute အဖွဲ့မှ ကြီးကြပ်သော ကျယ်ပြန့်တဲ့ အာရုံခံကွန်ယက်ကို အသုံးပြုထားပါတယ်။
၎င်းဟာ ရက် ၊လ ၊ နှစ်များသို့ ပြောင်းလဲ လာသည့်နှင့် အမျှ အလွန်အားကောင်းပြီး ခိုင်မာတဲ့ ကွန်ကရစ် အသစ် ဖြစ်လာကြောင်း အတည်ပြုနိုင်ခဲ့ပါတယ်။
စမ်းသပ်မှု စနစ်အနေနဲ့ ၎င်းတွင် တည်ဆောက်ထားတဲ့ ကြာရှည်ခံမှုနှင့် ပတ်သက်ပြီး လက်ရှိအချိန် နှင့် စဉ်ဆက်မပြတ် သတင်း အချက် အလက်တွေကို ပေးနိုင်တဲ့ အီလက်ထရောနစ်လျှာ ကဲ့သို့ ကိုယ်ပိုင် အလိုအလျောက် အာရုံခံကိရိယာများ ပါဝင်ပါတယ်။
ဒီအချက် အလက်တွေဟာ ကွင်းအတွင်းမှ ကျွမ်းကျင်သူတွေကို အဆောက်အဦးတွေရဲ့ အခြေအနေ ကောင်းတွေကို ဖန်တီး ပေးနိုင်သလို ပိုမိုဆိုးရွားတဲ့ ပျက်ဆီးမှုတွေကနေလည်း ကာကွယ်ဖို့အတွက်
အဆောက်အဦးရဲ့ လည်ပတ်မှုအပေါ် သင့်တော်ဆုံး ချွေတာပြီး ထိခိုက်မှုနည်းသော နည်းလမ်းတွေကို သုံးခြင်းဖြင့် လိုအပ်တဲ့ စီမံချက်များ ချမှတ် နိုင်အောင်လည်း ကူညီ ပေးပါတယ် ဟု IDM Institute မှနောက် ထပ် သုတေသန ပညာရှင်တစ်ဦးဖြစ်တဲ့ Juan Soto ကပြောကြားခဲ့ပါတယ်။
အဆိုပါ ကွန်ကရစ်အသစ်ဟာ ထူးခြားတဲ့ စွမ်းဆောင်ရည်၊ အချိန်နဲ့ တပြေးညီ အချက်အလက်တွေကို ပေါင်းစပ်ထားတာကြောင့် ဆောက် လုပ်ရေး နဲ့ ဗိသုကာလက်ရာများရဲ့ အနာဂတ်အတွက် သိသာထင်ရှားတဲ့ ပြတင်းပေါက်တစ်ခုကို ကိုယ်စားပြုနေပါတယ်။
သဘာဝပတ်ဝန်းကျင်ထိခိုက်မှုတွေကြောင့် ပစ္စည်းများထုတ်လုပ်မှုရဲ့ ဂေဟစနစ်ကို ထိခိုက်လာတာနှင့် အမျှ အဆိုပါ ကွန်က ရစ်အသစ်ဟာ စက်မှုကဏ္ဍအတွက် အနာဂတ်တိုးတက်မှုတွေဆီကို ဦးတည် သွားနိုင်ပါတယ်။
ရေးသားသူ – Kaung Htet (Knowledgeworms team)
Knowledgeworms Copyright © 2021 ကူးယူ ဖော်ပြခြင်း လုံးဝ ခွင့်မပြုပါ။
