ဗြိတိန်မှ ဓာတုလောင်စာဖြင့် ပထမဆုံး ပျံသန်းမှုတွင် အောင်မြင်စွာ ကမ္ဘာ့စံချိန်တင်ခဲ့

Military Tech

ဗြိတိန် တော်ဝင် လေတပ် RAF က ပျံသန်းမှုတစ်ခုလျှင် ကာဗွန် ၉၀ ရာခိုင်နှုန်းအထိ ချွေတာနိုင်သော ဓာတုလောင်စာကိုသာ အသုံးပြုပြီး ပထမဆုံး ပျံသန်းမှုကို ပြီးမြောက်အောင်မြင်ခဲ့ပါတယ်။

RAF က ဓာတုလောင်စာကိုသာ အသုံးပြုပြီး ပထမဆုံး ပျံသန်းမှုကို ပြီးမြောက်အောင်မြင်ပြီးတဲ့နောက် ကမ္ဘာ့စံချိန်သစ် တင်နိုင်ခဲ့တာပါ။

ယခုလအစောပိုင်းတွင် အဖွဲ့ခေါင်းဆောင် Peter Willy Hackett က Ikarus C42 မိုက်ခရိုအလင်းလေယာဉ်ဖြင့် Kemble Airfield၊ Cotswold လေဆိပ်မှ အတိုချုံးပျံသန်းမှု ပြီးဆုံးခဲ့ပြီး ဓာတုနည်းပညာနဲ့ ထုတ်လုပ်တဲ့ လောင်စာဆီဖြင့် စွမ်းအင်အပြည့်အဝလည်ပတ်တဲ့ ပထမဆုံး ပျံသန်းမှု ဖြစ်ပါတယ်။

ဂင်းနစ် ကမ္ဘာ့စံချိန်တင်သော ပျံသန်းမှုတွင် အသုံးပြုတဲ့ ဓာတုလောင်စာဆီဟာ Zero Petroleum ရဲ့ UL91 လောင်စာ ဖြစ်ပါတယ်။

လောင်စာဆီကို လေထုအတွင်း ကာဗွန်ဒိုင်အောက်ဆိုဒ်မှ ဟိုက်ဒရိုဂျင်ကို ရေနှင့် ကာဗွန်တို့မှ ထုတ်ယူပြီး အဆိုပါ ပါဝင်ပစ္စည်းတွေကို ဒေသထုတ် လေ၊ ဒီရေနဲ့ လှိုင်းစွမ်းအင်တို့ကို အသုံးပြု၍ Orkney တွင် ထုတ်လုပ်ခဲ့ပါတယ်။

Image courtesy Zero Petroleum

ရုပ်ကြွင်းအခြေခံ လေ​ယာဉ် လောင်စာတွေအတွက် အစားထိုးတစ်ခုဖြစ်ပြီး အင်ဂျင်ပြုပြင်မွမ်းမံစရာ မလိုအပ်တဲ့ ဓာတုလောင်စာအသုံးပြုမှု အတိုင်းအတာ တစ်ခုကို ဖန်တီးရန်အတွက်လည်း ဤလုပ်ငန်းစဉ်ကို အသုံးပြုနိုင်ပါတယ်။

Zero Petroleum ရဲ့ စီမံခန့်ခွဲမှုအရာရှိချုပ် Paddy Lowe က ဓာတုလောင်စာဆီကို “ငါးလအတွင်း” တီထွင်ထုတ်လုပ်ခဲ့ပြီးဖြစ်သော်လည်း လေယာဉ် သို့မဟုတ် အင်ဂျင်ကို ပြုပြင်မွမ်းမံခြင်းမရှိဘဲ အောင်မြင်စွာ ပျံသန်းနိုင်ခဲ့ကြောင်း ပြောကြားခဲ့ပါတယ်။

စမ်းသပ်ပျံသန်းပြီးနောက် အင်ဂျင်စစ်ဆေးမှုတွေက ပုံမှန်ရုပ်ကြွင်းလောင်စာနဲ့ နှိုင်းယှဉ်ပါက စွမ်းအင် သို့မဟုတ် ယေဘုယျစွမ်းဆောင်ရည်မှာ ကွာခြားမှုမရှိကြောင်း သူက ထပ်မံပြောကြားခဲ့ပါတယ်။

ဓာတုလောင်စာစွမ်းအင်သုံး ပျံသန်းမှုနောက်ကွယ်မှ ဆန်းသစ်တီထွင်မှုက ဇွန်လတွင် Rapid Capabilities Office မှ စတင်ခဲ့တဲ့ RAF ရဲ့ Project MARTIN မှ ဖြစ်ပေါ်လာပါတယ်။

အစောပိုင်း အချက်အလက်တွေက ထိုလောင်စာဟာ ပျံသန်းမှုတစ်ခုလျှင် ကာဗွန်အသုံးပြုမှု ၈၀ မှ ၉၀ ရာခိုင်နှုန်းကြားအထိ ချွေတာနိုင်ချေရှိကြောင်း ပြသထားပါတယ်။

Image courtesy Zero Petroleum

ကာကွယ်ရေး ၀န်ကြီး Jeremy Quin က အဆိုပါ ပျံသန်းမှုဟာ “ကမ္ဘာ့ပထမဆုံး ဆန်းသစ်တီထွင်မှု” ဖြစ်တယ်လို့ ပြောကြားခဲ့ပါတယ်။

“ဒါဟာ စစ်ဆင်ရေးဆိုင်ရာ ကတိကဝတ်များ ဆွေးနွေပွဲနှင့်အတူ ကာဗွန်ထုတ်လွှတ်မှု အသားတင်သုည ဆီသို့ ဗြိတိန် စစ်တပ်ရဲ့ သံဓိဌာန်ကို ပြသနေပါတယ်” လို့ သူက ပြောပါတယ်။

လေတပ်ဦးစီးချုပ် Sir Mike Wigston က “ရာသီဥတုပြောင်းလဲမှုက ကမ္ဘာ့ကြံ့ခိုင်ရည်ရှိမှုနှင့် ကျွန်တော်တို့ရဲ့ လုံခြုံရေးနှင့် သာယာဝပြောရေးကို ခြိမ်းခြောက်တဲ့ နိုင်ငံကျော် စိန်ခေါ်မှုတစ်ရပ် ဖြစ်တယ်။

ဒါကို ကိုင်တွယ်ဖြေရှင်းဖို့နဲ့ တော်ဝင်လေတပ်ကို ၂၀၄၀ ခုနှစ်မှာ အသားတင် သုညဖြစ်ဖို့ ရည်မှန်းချက်ကြီးကြီးထားရှိဖို့ စိတ်ပိုင်းဖြတ်ထားတယ်” လို့ ဆိုပါတယ်။

ကျွန်တော်တို့ရဲ့ လေယာဉ်ကို စွမ်းအင်ပေးတဲ့ နည်းလမ်းဟာ ထိုပန်းတိုင်ကိုရောက်ရန် ကြီးမားသော အစိတ်အပိုင်းတစ်ခု ဖြစ်လိမ့်မှာဖြစ်ပြီး လေနှင့် ရေမှ လေယာဥ်လောင်စာဆီထုတ်လုပ်ရန် ဒီစိတ်လှုပ်ရှားဖွယ် ပရောဂျက်က ဘယ်လိုလုပ်ဆောင်နိုင်လဲဆိုတာကို ပြသနေပါတယ်။

Image courtesy Zero Petroleum

မြေပြင်ပျံသန်းခြင်းမပြုမီ စီးပွားရေးနဲ့ စစ်ဘက်ဆိုင်ရာ ဖြန့်ဖြူးသူတွေအတွက် လေယာဉ်အင်ဂျင်တွေ အများအပြားကို ပြုပြင်မွမ်းမံပေးတဲ့ Coventry ရှိ အစိတ်အပိုင်း ပြုပြင်မွမ်းမံရေး အဆောက်အအုံတစ်ခုဖြစ်တဲ့ CFS Aero ဖြင့် Zero Petroleum ရဲ့ ဓာတုလောင်စာဆီကို ကျယ်ကျယ်ပြန့်ပြန့် စမ်းသပ်ခဲ့ပါတယ်။

ဤစမ်းသပ်မှုမှ အင်ဂျင်တွေဟာ ရုပ်ကြွင်းလောင်စာတွေနဲ့ လည်ပတ်နေသကဲ့သို့ စွမ်းဆောင်နိုင်သော်လည်း ဓာတုလောင်စာက ကာဗွန်ထုတ်လွှတ်မှုကို လျှော့ချရာတွင် အင်ဂျင်သက်တမ်းကို တိုးမြင့်စေနိုင်တယ်လို့ ညွှန်ပြနေသော်လည်း ပိုနိမ့်သောအပူချိန်တွင်သာ လည်ပတ်ခဲ့ကြောင်း တွေ့ရှိရပါတယ်။

ဒီဆန်းသစ်တီထွင်မှုကို အသုံးချပြီး ၂၀၅၀ ခုနှစ်တွင် အစိုးရရဲ့ ကာဗွန် ထုတ်လွှတ်မှု လုံးဝကင်းစင်ရေး ပန်းတိုင်သို့ ဦးတည်လုပ်ဆောင်ပြီး RAF က ၂၀၂၅ ခုနှစ်တွင် သူတို့ရဲ့ ပထမဆုံး ကာဗွန်ထုတ်လွှတ်မှု အသားတင် သုည လေတပ် အခြေစိုက်စခန်းဖြင့် ၂၀၂၄ ခုနှစ်တွင် အသား တင်သုည တပ်ဖွဲ့ဖြစ်လာစေရန် အတွင်းရည်မှန်းချက်ကို ချမှတ်ထားပါတယ်။

Lily (Knowledgeworms team)

Knowledgeworms Copyright © 2021 ကူးယူ ဖော်ပြခွင့် လုံးဝ ခွင့်မပြုပါ။

Content Protection by DMCA.com

Leave a Reply

Your email address will not be published.