ညဉ့်နက်သန်းခေါင်မှာ နိုးထပြီးနောက် ပြန်အိပ်နိုင်ဖို့ သိပ္ပံနည်းကျ အကြံပြုချက် ၅ ချက်

Health Lifestyle

American Academy of Sleep Medicine အရ အရွယ်ရောက်ပြီးသူတွေရဲ့ 30 မှ 35 ရာခိုင်နှုန်းခန့်ဟာ အိပ်မပျော်တဲ့ရော ဂါလက္ခဏာများ ခံစား​နေရပြီး 10 ရာခိုင်နှုန်းခန့်ဟာ တစ်ပတ်ကနေ အနည်းဆုံး သုံးလအထိ နာတာရှည်ခံစားရလေ့ရှိကြပါတယ်။

အချို့အိပ်မရသော ပြင်းထန်တဲ့ရောဂါတွေကတော့ ဆရာဝန်ထံ သွားရောက်ပြသဖို့ လိုအပ်နိုင်သော်လည်း ရံဖန်ရံခါဖြစ်ပွားမှုကိုတော့ သိပ္ပံနည်းကျ လေ့လာထားတဲ့ အကြံပြုချက် ငါးချက်ဖြင့် ကူညီပေးနိုင်ပါတယ်။

(၁) ဖုန်းကို အိပ်ယာနဲ့ အဝေးမှာ ထားခြင်း

ညလယ်မှာ ပြန်အိပ်ဖို့ ကြိုးစားတဲ့အခါ အကြီးမားဆုံး အတားအဆီးတစ်ခုက အလင်းရောင်ပါပဲ။

အထူးသဖြင့် စမတ်ဖုန်းမှ အပြာရောင်အလင်းတန်းဟာ သင့်မျက်လုံးထဲသို့ တောက်ပလာသည့်အခါ အိပ်မပျော်ခြင်းကို ဖြစ်စေပါတယ်။

“အီလက်ထရွန်းနစ်ပစ္စည်းတွေဟာ ကျွန်ုပ်တို့ကို နိုးကြားစေနိုင်တဲ့ အလင်းတန်းတွေကို ထုတ်လွှတ်​ပေးတယ် ” ဟု Martha Jefferson Sleep Medicine Center ရဲ့ ဒါရိုက်တာ W. Christopher Winter က ဆိုပါတယ်။

ဆိုရှယ်မီဒီယာ သို့မဟုတ် သတင်းဆိုက်အချို့ကိုကြည့်ဖို့ သွေးဆောင်မှုတွေကို ခုခံဖို့ ခက်ခဲသော်လည်း စိတ်မထိန်းချုပ်နိုင်ရင် တစ်ညတာလုံး ဆုံးရှုံးသွားနိုင်ပါတယ်။

ဒါ့ကြောင့် ညလယ်မှာ နိုးလာရင် ဖုန်း​တွေ၊ တက်ဘလက်​တွေနှင့် e-readers တွေကို ပိတ်ထားလိုက်ပြီး အဝေးမှာ ထားသင့်ပါတယ်။

(၂) နာရီတွေကိုလည်း လျစ်လျူရှုဖို့ လိုအပ်တဲ့အကြောင်း

သတင်း feeds ​တွေနှင့် ဆိုရှယ်မီဒီယာ​​တွေကို လျစ်လျူရှုနေချိန်မှာ နာရီတွေကိုလည်း လျစ်လျူရှုသင့်ပါတယ်။

တကယ်တော့ ကျွန်ုပ်တို့ရဲ့ စိတ်ဖိစီးမှုတွေ တိုးလာလို့သာ အိပ်ဖို့ကြိုးစားတဲ့အချိန်တွေ ကုန်ဆုံးသွားဖြစ်ပါတယ်။

ဥပမာ မနက် ၆ နာရီမှာ အလုပ်သွားရမယ်ဆိုရင် အလုပ်မမှီမှာ စိုးရိမ်တာတွေ ၊ စိတ်ပူပန်တာတွေ စတဲ့ စိတ်ဖိစီးမှုတွေကြောင့် အိပ်မပျော်ခြင်းတွေကို ဖြစ်စေတက်ပါတယ်။

“လူတွေရဲ့စိတ်တွေဟာ စိတ်ပူစပြုလာတဲ့အခါ ပြဿနာတွေ ဖြစ်ပေါ်လာတယ်” ဟု အာရုံကြောပညာရှင် Brian Murray က ဆိုပါတယ်။ “နာရီကို ကြည့်လိုက်ရင် လူတွေ အိပ်မပျော်တော့မှာကို စိုးရိမ်စိတ်တွေ ဖြစ်ပေါ် ခံစားရစေတယ်။

အဲဒါက ခန္ဓာကိုယ်ရဲ့ ဟော်မုန်းတွေကို ထုတ်ပေးပြီး အိပ်စက်ခြင်း လုပ်ငန်းစဉ်ကို အနှောင့်အယှက် ဖြစ်စေပါတယ်” ဟု ဆက်လက်ပြောပါတယ်။

(၃) အိပ်ယာထဖို့ မကြောက်သင့်တဲ့အကြောင်း

တကယ်လို့ မိနစ်နှစ်ဆယ်လောက်ကြာတဲ့အထိ အိပ်မပျော်သေးဘူးဆိုရင် ခဏထပြီး ပေါ့ပေါ့ပါးပါး လှုပ်ရှားမှုတွေ လုပ်သင့်ပါတယ်။

လူအများစုက အိပ်ယာဝင်ပြီဆိုရင် အိပ်မပျော်ရင်လဲ အိပ်ယာထဲ လူးလိမ့် နေတတ် ကြပါတယ်။

Pennsylvania တက္ကသိုလ်မှ Behavioral Sleep Medicine ပရိုဂရမ်ရဲ့ ဆေးဘက်ဆိုင်ရာ ဒါရိုက်တာ James Findley က အိပ်မပျော်တဲ့လူတွေကို အိပ်ယာမှထကာ ပေါ့ပါးတဲ့ လှုပ်ရှားမှုတစ်ချို့ဖြစ်တဲ့ ပေါ့ပေါ့ပါးပါး စာဖတ်တာဖြစ်ဖြစ် လုပ်ဆောင်ဖို့ အကြံပြုထားပါတယ်။

(၄) အသက်ရှူလေ့ကျင့်ခန်းလုပ်သင့်တဲ့အကြောင်း

စိတ်ဖိစီးပြီး တင်းမာနေတဲ့ ခန္ဓာကိုယ်က အိပ်မပျော်မှုတွေကို ဖြစ်စေတာကြောင့် ခန္ဓာကိုယ် သက်တောင့် သက်သာ ဖြစ်အောင် အသက်ရှုလေ့ကျင့်ခန်းမှန်မှန် လုပ်ပေးတာကလည်း ထိရောက်မှုရှိတာကို တွေ့ရပါတယ်။

New York University မှ Erich P. Voigt ရဲ့ပြောကြားချက်အရ ကျွန်ုပ်တို့အနေနဲ့ အသက်ရှုလေ့ကျင့်ခန်းကို စည်းချက်ညီညီပြုလုပ်ခြင်းဟာ စိတ်ဖိစီးမှုကို လျော့ကျစေသည့်အပြင် အိပ်ပျော်အောင်လည်း တွန်းအားပေးတယ်ဟု ဆိုပါတယ်။

(၅) စိတ်ကို အပန်းပြေစေမယ့်အရာကို အာရုံစိုက်သင့်တဲ့အကြောင်း

အိပ်စက်ခြင်းဆိုင်ရာ သုတေသီ Ilene M. Rosen နှင့် Shalini Paruthi တို့ နှစ်ဦးစလုံးက ညလယ်တွင် အိပ်ရေးဝဖို့ သော့ ချက်တစ်ခုက စိတ်အပန်းပြေစေမည့် စိတ်ပိုင်းဆိုင်ရာ ပုံရိပ်များကို အာရုံစူးစိုက်ဖို့လိုတယ်ဟု ဆိုပါတယ်။

ဒါ့ကြောင့် အိပ်စက်ခြင်းဆိုင်ရာဒုက္ခများကို ပြေပျောက်စေဖို့ ကျွန်ုပ်တို့နှစ်သက်တဲ့ ပျော်ရွှင်စရာ မှတ်ဉာဏ် သို့မဟုတ် လှုပ်ရှားမှုအသေးစိတ်တိုင်းကို ဂရုတစိုက် ပုံဖော်ခြင်းကို National Sleep Foundation မှ အကြံပြုထားပါတယ်။

ရေးသားသူ – Kaung Htet (Knowledgeworms team)

Knowledgeworms Copyright © 2021 ကူးယူ ဖော်ပြခြင်း လုံးဝ ခွင့်မပြုပါ။

Content Protection by DMCA.com

Leave a Reply

Your email address will not be published.